Sch'ins discurra en la citad da students ollandaisa Groningen betg pli da Gouda e tulipanas mabain da Gruyère e crestas-cot lura è la Svizra pajais ospitant a l'Eurosonic – il pli grond ed impurtant festival da la musica nova en l'Europa.
Dals 15. fin ils 18. da schaner èsi stà uschè lunsch e blers differents artists svizzers han preschentà ina gronda variaziun cun lur musica. Ina variaziun cun la quala blers pajais vischins n'han betg quintà e che ha fatg surstà bain inqual. Ina construcziun ch'ins ha udì savens ils ultims dis durant star en colonna avant in concert u durant la biera da saira sontga è stà: "Uschè ina pitschna terra, ma cun uschè ina gronda diversitad linguistica e musicala – quai avessan nus era gugent!" Forsa ston ins tranteren far in viadi da 1000 kilometers – pia a Groningen – per puspè daventar conscient con captivanta, innovativa e multifara che nossa scena da musica è.
Ils Svizzers a Groningen
Textbox aufklappenTextbox zuklappen
Asbest
Monumental Men
L'Eclair
Camila Sparksss
Emilie Zoé
Sophie Hunger & Julian Sartorius
Bitter Moon
Veronica Fusaro
Ikan Hyu
Black Sea Dahu
The Gardener & The Tree
Marius Bear
Cella
Muthoni Drummer Queen
Sirens of Lesbos
Jessiquoi
Pascal Gamboni
Amami
KT Gorique
Coilguns
Ramin & Reda
La Colère
Nus savain esser superbi sch'ins vesa co noss acts han tschiffà il public a Groningen: Da Worldmusic viva sco da «Muthoni Drummer Queen», sur il grond talent da la musica electronica «Cella», e pop cun la vusch pregnanta da «Marius Bear», fin tar captivant Lo-Fi Folk e Rock da «Emilie Zoé». Questa glista savessan nus anc cumplettar cun 18 ulteriurs acts svizzers. Qua mussain nus a vus ils trais acts svizzers che han fascinà nus il pli fitg a l'Eurosonic 2020:
Maletg
1 / 3
Legenda:
«Black Sea Dahu» han persvas cun in concert professiunal, luc e simpatic. Avant ina halla emplenida han els preschentà lur agen stil da folk cun elements da country. Ensemen cun la vusch surprendenta e caracteristica da Janine Cathrein han els manà il public en in mund da siemis.
RTR, Dominic Pohle
Maletg
2 / 3
Legenda:
Il trio da Berna «Monumental Men» han persvas cun ina show in pau pli stgira ed effects da glisch gartegià. Cun lur musica electronica che armonisescha fitg bain han els dumagnà da far ina sort musica da pop che dat buc vi en il commerzi, dentant n'era betg en l'experimental.
MAD, ESNS Knelis
Maletg
3 / 3
Legenda:
«Sophie Hunger & Julian Sartorius» fan en lur project da duo musica da pop cun ina tut atgna estetica. Musica ch'è dad ina vart enconuschenta e che fa bain, da l'autra vart era experimentala. In project ch'è gartegià fitg bain.
RTR, Dominic Pohle
