Siglir tar il cuntegn

Hits per rumantsch Stress – «God Knows – Dieus sa»

Stress è stà en il studio da RTR ed ha fatg ina versiun rumantscha da ses nov hit «God Knows».

Tschintg onns èn passads dapi che Stress ha publitgà ses ultim album. Tschintg grevs onns per il rapper da Losanna. El ha cumbattì – e cumbatta anc adina cun depressiuns. El saja sa sentì vid ed haja stuì reparar bler en sia vita. Perquai ha el tschertgà agid professiunal.

Stress n'ha betg zuppà ses problems ed era partì online ina sesida cun sia terapeuta. Quai per far curaschi ad auters dad ir per agid cura ch'ins dovra. Il medem messadi ch'el vul era dar cun insaquantas chanzuns da ses nov album «Sincèrement». Sco Stress di sez, èsi in da ses megliers albums dals ultims 10 fin 15 onns.

«God Knows – Dieus sa»

Ils ultims onns ha Stress pudì observar co amias ed amis han survegnì uffants e co quai ha dà forza e fatg bain ad els. Da quai raquinta el en l'emprima single «God Knows» da ses nov album. Andres Andrekson – sco Stress ha num per propi – n'ha sez nagins uffants, vesa dentant sia band e ses musicists sco pitschna famiglia che dat sustegn e forza ad el.

Ensemen cun noss moderatur Ivo Orlik ha Stress lu prendì per mauns la sfida ed emprendì e registrà entaifer bun ina mes'ura ina versiun rumantscha da «God Knows».

Il text rumantsch da God Knows

Avrir la box Serrar la box

Diu sa, nua ch’jeu fuss

Senza tei da mia vart – en dus

Ti has gidau cu erel down,

vevel nuot erel per plaun

diu sa nua ch’jeu fuss.

Sche la pressiun fa diamants. Gie lu tarlischi extrem.

Jeu drovel buc peiver per che la veta fa senn.

Hai l’aua tiel culiez, e mes peis el beton.

Vai adina mo prestau, uss vivel o miu affon.

Pren ina zigi, oui, quei gl’emprem moviment.

Stoi scatschar quella pressiun e la sien egl intern.

Seregordel dil temps chi deva mai sulegl.

Ussa vegn tut meglier, jeu sun segirs, ey.

Diu sa, nua ch’jeu fuss.

Senza tei da mia vart - en dus.

Ti has gidau cu erel down,

vevel nuot erel per plaun

diu sa nua ch’jeu fuss.

Ti as ina cara tier tei, ed i va liber cul drama

has in affon zuppau, yo, dad x in mama.

Gl’era “mi casa su casa” e tut igl auter bla bla

Ed uss vulas dapli, novs calzers da prada.

Ins di «tgei spetgas dalla veta?», mo tgei spetg’ella da mei.

Emblida siemis, las speronzas, emblida tut quei.

Ins viva vetas absurdas e fa per auters schi bia,

Dattas daners, dattas temps, mo in engraziel, gliez na.

Mo tuttina fussas nuot, gie nuot senza la cara.

Ina persuna drogada, senza plan – nuot – nada.

Mintgin drova zatgi che dat all’atgna veta in senn

Tier mei ei quei miu pop, miu pign, miu sem.

Diu sa, nua ch’jeu fuss

Senza tei da mia vart - en dus.

Ti has gidau cu erel down,

vevel nuot erel per plaun

diu sa nua ch’jeu fuss...

RR actualitad 11:00

Artitgels legids il pli savens