L’onn passa han els survegnì il premi da musica svizzer, uss vegn lur 6avel disc cun blers bels sauts tradiziunals, medleys cun chanzuns popularas, in pau jazz e tuns dal Balcan.
La furmaziun dals Janetts è ina da las chapellas las pli enconuschentas en Svizra e dapi in per onns er ina veritabla chapella da famiglia, pertge er Anna Staschia, Madlaina e Cristina, las figlias da Domenic e Curdin èn da la partida. Lur musica sa basa sin la tradiziun dals «Fränzlis» dal 19avel tschientaner, però adina cundì cun elements surprendents. Uss è cumparì lur 6avel disc «mit alles und scharf!» ed il titel è program. Sper sauts tradiziunals en ina furma innovativa datti er cumposiziuns novas che surpassan ils cunfins da stils e tradiziuns.
«Ils Fränzlis supplementars»
Quai ha er da far cun Barbara Gisler, Niculin Janett e Balthasar Streit che augmentan las colurs dals tuns cun jazz, dal Appenzell ed in pau elements picants da l'ost, apunta «mit alles und scharf!», cun tradiziun ed innovaziun ed er chant e jodel.
Medleys cun chanzuns popularas
Ils ultims onns è il chant daventà adina pli impurtant e savens datti er chanzuns popularas da l’Engiadina en il repertori dals Fränzlis da Tschlin.
Pariampampam (1996)
In viadi (2000)
Ballada (2005)
Fränzlis Live – Da la Turnhalla a la Tonhalle (2009)
No. 5 (2016)
mit alles und scharf! (2020)
Corin Curschellas & Ils Fränzlis da Tschlin: 1, 2, 3! Dai & Hop! (2019)
Ils tocs da l'emissiun
| Titel | Interpret | Cumponist |
| La cupicharola da Tschlin, Schottisch | Ils Fränzlis da Tschlin | Traditional |
| Valser da Mattinadas da Tschlin | Ils Fränzlis da Tschlin | Traditional |
| Il valser da Darwin | Ils Fränzlis da Tschlin | Janett, Curdin |
| Medley: 1. Muntanella - 2. Bös-ch rumantsch - 3. Galop dals Ernis | Ils Fränzlis da Tschlin | Traditional / Bardill, Linard / Stupan, Madlaina |
| Marcha da Barnabà | Ils Fränzlis da Tschlin | Traditional |
| De Sepp | Ils Fränzlis da Tschlin | Janett, Domenic |
| Eine für de Fidi, Walzer | Ils Fränzlis da Tschlin | Janett, Madlaina |
| Medley: 1. Rumantsch Romance. - 2. Amur furtünada | Ils Fränzlis da Tschlin | Janett, Curdin / Cantieni, Robert / Cloetta, G. G. |
| Polca #4# | Ils Fränzlis da Tschlin | Janett, Curdin |
| Montespertoli | Ils Fränzlis da Tschlin | Janett, Cristina |
| Furmias aint il chül, polca | Ils Fränzlis da Tschlin | Janett, Domenic |
| Il Crisantemo, Walzer | Ils Fränzlis da Tschlin | Sartori, Giacomo |