Ils 15 da favrer stat la musica svizra en il center tar RTR. Quai di vegn manà atras en vista als «Swiss Music Awards» (SMA) che han lieu in di pli tard, la sonda. Durant quai di vulain nus celebrar la musica svizra e cunzunt era nizzegiar la chaschun da preschentar noss musicists grischuns.
Videos dal di da la musica Svizra
18 grischuns chantan live
Ord quest motiv avain nus envidà 18 musicistas e musicists dal Grischun che vegnan a far visita en noss studio da RTR e chantar live al Radio Rumantsch. Il cumenzament pudain nus gist far cun il purtader dal titel «Chanzun grischuna dal 2018» Kaufmann. El avra las 08:10 cun sia chanzun «Lisa» il spectacul musical al radio. Silsuenter sa preschentan ura per ura differents musicists enfin che Chiara po lura serrar las 18:15 la tenda.