Siglir tar il cuntegn

Header

video
Nova chanzun da Seven - Immer noch
Or da RTR Social dals 27.02.2020.
laschar ir
cuntegn

Live tar RTR Quai sun jau e quai è «geil»

Il musicist svizzer da soul Seven dat adia a l’englais ed è arrivà tar il tudestg da scrittira. In lung process cun bleras sfidas – precis tenor il gust da Seven, tge che sa mussa en ses nov «Halbum» – in mez album cul titel «Brandneu».

Il normal, quai ch’è adina identic e sa repeta n’ha Seven insumma betg gugent. La suletta excepziun è cura ch’el va a mangiar ordaifer: «Sch’jau sai ch’jau hai gugent ina tratga lura empost jau adina il medem». El reagescha dentant allergic sch'insatgi fa in cumpliment ad el per ina chanzun cun la supplica dad anc ina giada far uschè ina. Sin quai respunda el per il solit cun: «Lura taidla simplamain quella chanzun che plascha tai». Quest far avanzar, betg star airi ed adina puspè empruvar ora insatge nov ha franc era manà el tar il tudestg da scrittira. La lingua saja tar blers svizzers gia in problem – tar Seven insumma betg:

Pli baud en scola hai jau adina survegnì schlettas notas per mes tudestg da scrittira a bucca, perquai ch’jau hai discurrì sco in Tudestg e betg il «tudestg federal». Jau hai simplamain savì quai.
Autur: Seven

Nena – Die Fantastischen Vier – «Brandneu»

Tut ha cumenzà avant tschintg onns cura che Seven è sa participà a l’emissiun tudestga «Sing meinen Song». El ha preschentà sia interpretaziun da la chanzun da Nena «99 Luftballons».

Insaco ha el chattà il connex tar il tudestg da scrittira ed integrà quellas chanzuns en ses program. In di han «Die Fantastischen Vier» telefonà e dumandà sch’el sappia scriver in part per in featuring cun els.

Jau n’hai natiralmain betg detg a Michi Beck ch’jau hai anc mai fatg uschè insatge.
Autur: Seven

Quai era il 2015 per la chanzun «Name Drauf». Suenter è Seven sa mess a la lavur per ses «Halbum» «Brandneu». L’emprima chanzun «Seele» ha pretendì bler temp:

Ed uss?

Na, Seven na sa numna uss betg «Sieben» ed el vegn era vinavant anc scriver chanzuns englaisas. L’entir project cun il tudestg da scrittira è plitost per sviluppar ses profil e duai demussar ed accentuar sia varietad. En Svizra è el renumà sco il chantadur da soul – quel cun la musica in pau autra. Era en Germania è Seven enconuschent, il tudestg da scrittira duai dentant anc dar in stausch enavant. Jau pens quai funcziuna be limitadamain, pertge la concurrenza è immensa e perquai che sia musica è per l’ina memia pauc commerziala e per l’autra buc avunda unica. Però, igl è pir l’entschatta da Seven ed il tudestg da scrittira.

RTR actualitad 09:00

Artitgels legids il pli savens

Scrollar a sanestra Scrollar a dretga