Siglir tar il cuntegn

Header

cuntegn

Live tar RTR Star en letg 24 uras cun Dabu Fantastic

«Dabu Fantastic» han publitgà lur album nov «Schlaf us». Quel na tracta betg be il durmir ora mabain er la pasch ed ina nova via ch’il duo ha tschernì.

Video
Dabu Fantastic scriva enturn ina chanzun per survegnir gadgets
Or da RTR Social dals 07.02.2020.
laschar ir

«Normalmain sun jau adina in tip fitg pussà, ma mumentan stos jau lavurar bler», manegia Dabu Bucher. Dimena nagut cun durmir ora. Quai n’è betg be actualmain uschia – quai è era l’onn passà stà il cas. Sco «Dabu Fantastic» han els tschernì ina nova via. Il 2019 han els publitgà mintga chanzun dapersai, pli tard pachetà quellas sin duas EPs. Uss vegn tut anc ina giada prendì ensemen sin l’album «Schlaf us».

Publitgar chanzuns singulas correspunda al spiert dal temp. Il temp che artists han publitgà duas singles e lura l’album para d'esser passé. Uschia restan els sur l’entir onn «en l’ureglia» e lur cifras tar Spotify restan constantas. Ina strategia ch’era blers rappunz tudestgs sco per exempel «Capital Bra» nizzegian. Il dischavantatg da l’entira chaussa è dentant:

Il titel da l’album maina ins sin la via fallada

Sch’ins legia il titel «Schlaf us» savessan ins pensar che «Dabu Fantastic» hajan publitgà da temp en temp ina chanzun, hajan laschà lavurar Spotify per els, per lura puspè turnar en letg e siemiar da lur success. Quai n’è dentant betg uschia. La chanzun che dat il titel «Schlaf us» tracta il tema da la pasch ed era il chantadur Stefan Eicher. Il duo turitgais ha savì persvader il chansonnier svizzer da collavurar cun els tar quella chanzun.

Artist vs. Pensar d’internet

Per «Dabu Fantastic» vegn l’album publitgà oz per propi, era sch'il public enconuscha gia nov da las dudesch chanzuns.

Jau tegn gugent enta maun in album. Jau sun in auditur fisic da musica.
Autur: Dabu Bucherchantadur da Dabu Fantastic

Bun, Dabu Bucher ha tuttina era Spotify, ma i para che musicists aman anc adina albums fisics. Ed ils auditurs? Oravant tut ils giuvens han pauc interess d'albums cumplets – sin il pli ils gronds fans. Per satisfar tuts han «Dabu Fantastic» pia vieut lur entira strategia da publicaziun. Emprim las chanzuns, lura pachetar quellas sin EPs ed a la fin l’album. Uschia vegn servì a tuts e l’album survegn in bul a la veglia. Però, per anc savair far daners cun musica ston ins servir uschè blers chanals sco pussaivel, tuttina sche quai è discs, plattas u streams.

24 uras en letg per promover l’album

Per promover lur album nov stattan Dabu Bucher e Dj Arts 24 uras en letg. Durant lur visita tar RTR en il studio avain nus dà cun ad els insaquantas chaussas per surventscher quell’acziun – ma dentant betg simplamain uschia:

Video
La chanzun finala
Or da RTR Social dals 07.02.2020.
laschar ir

RTR actualitad 09:00

Dapli da Actualitad musicaavrir la Landingpage

Nach links scrollen Nach rechts scrollen