Siglir tar il cuntegn

Header

video
«Metta da fein»: La musica
Or da Metta da fein dals 08.12.2020.
laschar ir
cuntegn

Metta da fein Musica per cumplettar il maletg

Carmen Nuñez studegia cumposiziun da musica per film, teater e medias ed ha sco project da bachelor mess ensemen la musica per l’emprima seria rumantscha.

Avant prest in onn ha la lavur vid la musica per la seria rumantscha «Metta da fein» cumenzà. Uschia pon ins s’imaginar quant pretensiusa che questa lavur è. Carmen Nuñez che studegia cumposiziun da musica per film, teater e medias ha surpiglià quella sfida. En vista a sia lavur da bachelor cumpona ella per las quatter episodas à 20 minutas la musica.

audio
Co nascha la musica per ina seria
03:37 min, Actualitad dals 23.11.2020.
laschar ir. Durada: 03:37 minutas.

Durant ses studi ha ella oravant tut cumponì musica per films curts. Quai munta enstagl da trair in artg sur tschintg ubain diesch minutas èsi per «Metta da fein» da metter ensemen musica per bunamain in’ura e mez cun pausas tranteren.

Marveglias co la musica da film da la «Metta da fein» tuna per propi? Qua ina curta sagiada:

audio
Ina sagiada da la musica da la Metta da fein
00:37 min, Actualitad dals 09.12.2020.
laschar ir. Durada: 00:37 minutas.

Reggae, chors, orglas ed arpet

In’istorgia criminala davart il mitus da la «Metta da fein» che gioga en in vitg pitschen en la Val Lumnezia. In policist nonchalant ch’emprova da schliar il cas ed abitants dal vitg ch’èn forsa in pau fitg religius. Tge musica va qua a prà? Musica atmosferica, misteriusa, tradiziunala dentant era musica lucca e leva cun ina presa musica sacrala. Fitg curt resumà è quai il mund musical che la cumponista Carmen Nuñez ha creà per la seria «Metta da fein».

Musica da film tipica...

... na datti atgnamain betg. Perquai ch'in film da horror pretenda in’autra atmosfera ch'ina romanza. Tuttina è quai tar in film curt, ina documentaziun ubain ina seria. Insatge che blers films e serias han communabel è dentant la melodia da titel. Ina chanzun a l’entschatta che dat ina valur da reconuschientscha – per exempel «My Heart Will Go On» da Céline Dion per il film Titanic ubain la chanzun dal Pink Panther. Qua ha la cumponista Carmen Nuñez prendì in’autra via. I na dat betg ina tipica melodia per «Metta da fein» mabain in’improvisaziun da battaria che duai manar ins direct en il mund sonor da la seria.

audio
Negina melodia da titel tipica per la Metta da fein
00:30 min, Actualitad dals 19.11.2020.
laschar ir. Durada: 00:30 minutas.

RTR Musica 09:00

Artitgels legids il pli savens

Scrollar a sanestra Scrollar a dretga