«Mält», «Bumblebees», «The Yelins» e solo cul num «CASPAR» – quai èn ils differents projects da Valentin Kopp. Ils emprims dus èn schizunt era gia stads la selecziun dal Mx3 – tuts per in. Cun ses novischem project «Chemical Fame» è quai uschia gia la terza giada ch’el sa uss sa preschentar en l’entira Svizra en ils radios da RTR, SRF, Rete Tre e Couleur 3. Ensemen cun Arnaud Paolini fan els Electro-Rock u forsa era Electro-Pop. Els èn numnadamain sa scuntrads l’emprima giada a l’entschatta da lur studi en la scola auta da musica a Lausanne – durant il curs da la musica da pop. Dapi lura hajan els tenor Valentin Kopp passentà durant trais onns pli u main mintga di ensemen. Il 2019 han els publitgà lur emprima EP «Glance» ed il medem onn han els era savì sunar durant il Montreux Jazz Festival.
Cun lur single actuala «Elixir» san els uss durant il zercladur sa preschentar en ils radios en l’entira Svizra.