Siglir tar il cuntegn

Header

audio
Fiona Fiasco e sia chanzun «Boys suck»
laschar ir. Durada: 05:33 minutas.
cuntegn

Mx3 – tuts per in Fiona Fiasco & Melodiesinfonie – «Boys Suck»

Tut classic «millenial» èn els sa chattads. Kevin Wettstein alias Melodiesinfonie ha scrit in di scrit via instagram a Fiona Cavegn – uss cun ses nov num d’artista Fiona Fiasco – e dumandà sch’i levan sa scuntrar ina giada. Immediat hai funcziunà bain, uschia ch’els han cumenzà a far musica ensemen.

Il resultat da quella collavuraziun n’è betg be la single «Boys Suck» mabain gest in album cun otg chanzuns. Quel san ins tadlar sin tuttas plattafurmas usitadas da streaming ubain sin vinyl. In disc cumpact na levan els betg far – pli gugent anc ina versiun sin cassetta. Simplamain in zic auter e forsa in pau schreg. Uschia savessan ins era descriver lur musica. Per lur emprima single han Fiona Fiasco e Melodiesinfonie maschadà divers tuns ed instruments, la vusch dad ella cun in pau fim e la finala anc bittà viaden ina ni l’autra dissonanza. Uschia pon els ussa preschentar lur atgna collascha musicala cul num «Boys Suck» a l’entira Svizra.

Cun Boys suck, u per rumantsch buobs èn stentus, valan nagut ubain buobs han nagina idea, n’èn betg manegiads en general tuts giuvens ubain insatgi specific. La chanzun sa drizza vers tscherts umens cun memia blera pussanza che nizzegian quella fallidamain u maldovran lur posiziun.

Mx3 – tuts per in

Avrir la boxSerrar la box
Mx3 – tuts per in

L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch,, il link avra en ina nova fanestra

RTR Famus e glorius 10:30

Artitgels legids il pli savens

Scrollar a sanestra Scrollar a dretga