Chantadur e Mastermind Peter «Pidi» Steger ed il ghitarrist Martin Fischer han omadus 33 onns. In è giurist e l’auter schurnalist ed omadus èn musicists passiunads. Gia il 2013 han els retschavì in premi da promoziun da la citad da Lucerna. Dapi lura è lur musica influenzada fermamain da l’electronica adina sa sviluppada enavant. Els experimenteschan gugent cun divers tuns ed instruments. Oravant tut Peter Steger che dat al duo sia vusch miaivla tschertga adina novas vias. Cun lur emprima single dal 2020 «Lose Control» han els ussa persvas las redacziuns da musica da RTR, SRF, RSI e RTS.
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch,