Siglir tar il cuntegn

Header

cuntegn

Mx3 – Tuts per in «Tawnee» – Untied

Lur single actuala «Untied» è la schelta da «Mx3 – Tuts per in» durant il mais marz.

Il 2012 cumenza l’istorgia da «Tawnee», ina band grischuna domiciliada a Turitg. Lur emprim concert al festival Rock Oz Arènes è stà in eveniment clav ed ils commembers da fundaziun Andrea Frey, Elias Tsoutsaios e Janic Sarott èn stads persvas che la musica vegn ad esser impurtants per els.

audio
il cumenzament
00:30 min, Musica dals 03.02.2020.
laschar ir. Durada: 00:30 minutas.

Be in onn pli tard, ils 18 da fanadur dal 2013 han els preschentà la chanzun rumantscha «Jamie», il 33 avel Top Pop Rumantsch.

Mx3 – Tuts per in

Avrir la boxSerrar la box
Mx3 – Tuts per in

L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch., il link avra en ina nova fanestra

E lura ils concerts: els èn sa participads al festival da musica da linguas minoritaras SUNS, e lura è seguida la EP «Lovers». Sco quart commember è vegnì il bassist Valentin Bezzola ed els han fatg concerts nunemblidaivels: Zermatt Unplugged, en il Bierhübeli a Berna ed en la Grabenhalle a Son Gagl. Durant quest temp è er sa midada lur musica.

audio
pli rockus
00:21 min, Musica dals 03.02.2020.
laschar ir. Durada: 00:21 minutas.

Las ghitarras acusticas han stuì ceder, ils tuns da ghitarra electrica èn vegnids pli dominants, il sound pli intensiv e cun dapli energia e Florian Heiniger è vegnì sco nov battarist per remplazzar a Janic Sarott che ha lantschà ina carriera en la musica classica. Lur devisa è restada: far blers concerts e qua e là publitgà ina single ubain ina EP. Lur single actuala «Untied» è uss la schelta per «Mx3 – Tuts per in» durant il mais marz.

audio
Mx3 - tuts per in
00:18 min, Musica dals 02.03.2020.
laschar ir. Durada: 00:18 minutas.

RR actualitad 09:30

Artitgels legids il pli savens

Scrollar a sanestra Scrollar a dretga