Siglir tar il cuntegn

Header

video
Ensemble ö! live @ Postremise a Cuira
Or da RTR Social dals 13.10.2020.
laschar ir
cuntegn

neo.mx3 La musica classica contemporana en il center

«neo.mx3» quai è la nova plattafurma per musica classica contemporana svizra. Igl è in lieu da sentupada digital per la scena da quella sparta da musica. Ensemen cun l’Ensemble ö! preschenta RTR «neo.mx3» e quai cun in concert ch’è deditgà cumplainamain a la musica classica contemporana.

Avant in onn ha la SRG SSR pudì preschentar sia pli nova purschida per la promoziun da la musica svizra. Questa giada èsi ina plattafurma che sa drizza a la musica contemporana. Ina sparta da nischa, dentant betg main impurtanta.

Lieu da sentupada per la scena

neo.mx3, il link avra en ina nova fanestra duai esser il lieu da sentupada per cumponistas, interpretas, organisaturs ed instituziuns da la scena contemporana. Ella porscha ad artistas ed artists la pussaivladad da publitgar registraziuns da lur ovras en tun e maletg. E quai a moda simpla ed attractiva.

Musica contemporana?

Textbox aufklappenTextbox zuklappen

La musica classica contemporana è la musica classica dad oz. Tenor definiziun è quai l’èra da cumposiziuns fatgas dapi il 1910 enfin oz.

Quella musica na pon ins dentant betg cumparegliar cun las grondas èras sco la romantica u il baroc. Igl è ina pitschna sparta ch’è dentant fitg impurtanta per il temp dad oz. La musica classica contemporana rumpa savens il patratgar classic e tradiziunal da la musica ed experimentescha gugent. I para sco sche quella musica n'avess nagins cunfins. Uschia na fai betg surstar che cumponists da musica classica contemporana collavuran savens cun musicists che fan in auter stil da musica.

Tar la musica contemporana tutgan per exempel era las cumposiziuns dal pli grond cumponist rumantsch, Gion Antoni Derungs.

Concert 100% svizzer

Per lantschar la plattafurma en Grischun organisescha RTR in concert d’«Ensemble ö!», che vala sco in dals gronds ambassadurs da questa musica en noss chantun. A chaschun da quel concert preschenta «Ensemble ö!» quatter ovras contemporanas che derivan da quatter differents cumponists svizzers.

Il concert vegn registrà en tun e maletg e quellas quatter ovras daventan gist las pli novas contribuziuns per neo.mx3 – producidas da RTR

Program da concert

CumponistOvra
Stephanie Hänsler (*1986)im Begriffe (2016)
per flauta, clarinetta, violina, violoncello e clavazin
Alfred Knüsel (*1941)Mischzonen (2019)
per viola, violoncello e giun
Asia Ahmetjanova (*1992)La Voix (2017)
per sopran, flauta, clarinetta, violina e violoncello
David Sontòn Caflisch (*1974)Aqua micans (2020 - primaudiziun)
per flauta, clarinetta, clavazin, viola, violoncello e giun

mx3 crescha ad in crescher

RTR Ura culturala 11:00

Artitgels legids il pli savens

Scrollar a sanestra Scrollar a dretga