Siglir tar il cuntegn

Header

cuntegn

Nova EP da Polyphone Human, It Is

Suenter quatter onns publitgeschan ils trais giuvens da Cuira lur proxim disc. Cun Marcus Petendi avain nus tadlà l’EP chanzun per chanzun.

Human It Is

L’emprima chanzun tuna in pau auter che quai ch’ins è disà da Polyphone. Quai saja aposta per cumenzar in dialog. En emprima lingia per sa sviluppar enavant, dentant era per manar sin il tema da l’EP: La carstgaunadad e co ella vegna frida cun temas actuals sco intelligenza artifiziala, digitalisaziun e confruntaziuns.

audio
Polyphone – Human it is
ord Actualitad dals 13.07.2020.
laschar ir. Durada: 47 Secundas.

Cablecar

Valentin Bezzola il bassist e chantadur da la gruppa ha purtà l’inspiraziun per la secunda chanzun. «Cablecar» è naschì durant ina pausa d’emprova cun vista sin la pendiculara Brambrüesch a Cuira. Els chantan da l’impurtanza d’era ina giada far ina pausa e prender temp per sasez.

audio
Polyphone – Cablecar
ord Actualitad dals 13.07.2020.
laschar ir. Durada: 45 Secundas.

Kool Aid

La chanzun «Kool Aid» saja la preferida da Marcus Petendi. L’emprim sboz per quella chanzun aveva el gia plirs onns en ses truchet, la confidenza da finir quella è dentant per vegnida cun la lavur vid la nova EP.

audio
Polyphone – Kool Aid
ord Actualitad dals 13.07.2020.
laschar ir. Durada: 1 minuta 56 Secundas.

Flat Earth

La finiziun da l’EP resumescha anc ina giada il tema en var tschintg minutas. «Flat Earth» tracta las dumondas co nus carstgauns vegnin a frida cun il svilup tecnologic. Sche quai fa bain che bler ponderar vegn surprendì, ch’ins n’ha betg pli dad ir ord chasa per far las cumpras e ch’ins discurra pli pauc en persuna in cun l’auter.

audio
Polyphone – Flat Earth
ord Actualitad dals 13.07.2020.
laschar ir. Durada: 31 Secundas.

Artitgels legids il pli savens