Siglir tar il cuntegn

Header

Prefix unplugged
Legenda: Prefix unplugged MAD
cuntegn

Rock rumantsch Prefix - Oriund

Il cumenzament d’october era planisada a Zuoz la gronda festa per preschentar il disc nov «Oriund», lur disc per il 20 avel anniversari da la band da rock engiadinaisa. Però sco tar bleras auters concerts: la situaziun da corona n’ha betg permess in tal eveniment. Uschè han els publitgà lur disc cun bler rock e metal be adascus.

audio
Marco Niggli - situaziun speciala
ord Musica dals 15.01.2021.
laschar ir. Durada: 28 Secundas.
audio
Andri Casty - nov onn nova schanza
ord Musica dals 15.01.2021.
laschar ir. Durada: 27 Secundas.

Per Prefix ina situaziun pauc agreabla. Els speravan da pudair vender lur discs durant il concert a Zuoz, uss resta be la via sur lur pagina d’internet e las plattafurmas da musica.

audio
Christoph Casty - alternativa durant corona
ord Musica dals 15.01.2021.
laschar ir. Durada: 35 Secundas.

Rock dir, metal e balladas

Il fil cotschen dal disc nov «Oriund» èn ils tocs da rock, dirs, sperts ed intensivs, cun las ghitarras che fan il sound sco tar «Purtrets», «Patria», «Dai» e «Tir’ün fil». I dat però er las balladas: «Do’m tieu maun» e «Sandet», cun ghitarra acustica e tuns da cello.

audio
Marco Niggli - il svilup
ord Musica dals 15.01.2021.
laschar ir. Durada: 32 Secundas.

In regal da giubileum pels amaturs da vinil

Per tut il fans da plattas fonograficas datti ina surpraisa. «Oriund» cumpara er sco album dubel, però i dat be 100 exemplars. E quai cun la festa d’anniversari resta sin lur program. Cur che la situaziun permetta vegn quella realisada.

audio
Curdin Urech - ina platta fonografica
ord Musica dals 15.01.2021.
laschar ir. Durada: 28 Secundas.

20 onns rock rumantsch

La band Prefix datti dapi il 2000, actualmain cun Andri Casty (chant) - Rico Puorger (ghitarra) - Curdin Urech (ghitarra) - Christoph Casty (bass) - Marco Niggli (keyboard) - ed Andri Netzer (battaria).

audio
Andri Casty - la band
ord Musica dals 15.01.2021.
laschar ir. Durada: 17 Secundas.
audio
Rico Puorger - il num Prefix
ord Musica dals 15.01.2021.
laschar ir. Durada: 31 Secundas.

La discografia:

Avrir la boxSerrar la box
La discografia:

Sgratta'm (2006)

Adrenalin (2011)

Oriund (2020)

Artitgels legids il pli savens

Scrollar a sanestra Scrollar a dretga