Siglir tar il cuntegn

Header

video
Nagins bunas novas per occurenzas grondas
Or da Telesguard dals 29.04.2020.
laschar ir
cuntegn

Stad da festivals Open Air Lumenzia vegn spustà sin 2021

Igl è capità quai che blers han spetgà durant questa crisa: Il Cussegl federal ha annullà occurrenzas grondas cun var 1000 persunas. L’Open Air Lumnezia ch’era cun 18’000 visitadras e visitaders gia vendì ora dapi pliras emnas vegn perquai spustà sin 2021.

«Igl è ina spada a dus taglioms. D’ina vart avain nus segirezza giuridica, da l’autra vart essan nus stads vendids ora uschè baud sco anc mai e quella glieud na po ussa betg vegnir, quai fa mal», di Norbert Cavegn president dal comité d’organisaziun da l’Open Air Lumnezia. L’entira scena da festivals è stada sco sin spinas per emnas ed ha spetgà vess la decisiun dal Cussegl federal. Blers èn gia sa preparads mentalmain ed uss èsi vegnì uschia co i ha stuì vegnir. «L’Open Air Lumnezia vegn franc a subir donns finanzials, igl n’è dentant nagina smanatscha per l’existenza».

Qua trais impurtantas dumondas a Norbert Cavegn:

Cura ha l’Open Air Lumnezia 2021 lieu?

Ils 22 fin ils 24 da fanadur 2021.

Tge capita cun mes ticket ch’jau hai gia cumprà?

Quels restan valaivels per l’onn proxim e na vegnan betg restituids. L’Open Air infurmescha en il decurs dals proxims dis sin lur homepage.

Tge capita cun il Line Up?

Nus essan vid discutar cun las bands e vulessan gugent che tuts vegnian era l’autra stad. Quai munta medem line up sco il 2020 simplamain il 2021.

Quest onn fiss Norbert Cavegn per la 36avla giada a l’Open Air, ma tge fa el lura ussa cun sia stad libra?

Quai è l’emprima stad senza Open Air durant quai temp e quai vegn a vegnir fitg curius. Na betg ma per mai, mabain per l’entir comité. Jau n’hai anc betg ponderà tge far enstagl la stad.
Autur: Norbert Cavegnpresident dal comité d'organisaziun

Plievgia, naiv, chaliras ma anc nagin coronavirus

L’Open Air Lumnezia ha gia fatg atras bler. Davent da chaliras grondas fin navaglias a mez la stad. Ed adina puspè plievgia uschia ch’ils stivals da gumma èn daventà equipament da basa per il festival. Buc d’emblidar il chametg il 2016 che ha mess ord funcziun il provediment electric da la Lumnezia e stizzà per pliras uras tuttas chazzolas sin e sper tribuna. Il redactur da musica Jachen Prevost ha lavurà blers onns per RTR durant l’Open Air Lumnezia ed entras quai vis blers muments spezials.

Festivals e concert enfin la fin d'avust

TGE, NUADATUMSTATUS
Lauter Festival15. – 17. matgspustà sin 2021
Celine Dion, Hallenstadion Turitg02. e 03. zercladurspustà, data tba
Bad Bonn Kilbi, Düdingen04. – 06. zercladurnuncler
Argovia Fäscht, Birr-Lupfig, Argovia05. e 06. zercladurspustà sin 2021
Rammstein, Letzigrund Turitg06. e 07. zercladurnuncler
Greenfield, Interlaken11. – 13. zercladurnuncler
Festi'Neuch, Neuchâtel11. – 14. zercladurnuncler
Stars of Sounds, Aarberg12. – 13. zercladurspustà sin ils 03. – 05. settember 2020
Udo Lindenberg, Hallenstadion Turitg13. zercladuranullà
Guns'n'Roses, Stade de Suisse, Berna14. zercladurnuncler
Quellrock Open Air, Bad Ragaz19. – 20. zercladurnuncler
B-Sides Festival, Lucerna18. – 20. zercladuranullà
Rock the Ring, Hinwil18. – 20. zercladurspustà sin 2021
Mittsommerfestival, Lenk19. – 21 zercladurnuncler
Openair Sogn Gagl25. – 28. zercladurspustà sin 2021
Summerstage Basilea26. e 27. zercladurnuncler
Stars of Sounds, Murten02. – 04. fenadurspustà sin 2021
Die Toten Hosen, Hallenstadion Turitg10. e 11. fenadurnuncler
Montreux Jazz Festival03. – 18. fenadurspustà sin 02. – 17. fenadur 2021
Openair Frauenfeld09. – 11. fenadurspustà sin 2021
Moon & Stars, Locarno09. – 19. fenadurnuncler
Gurtenfestival, Berna15. – 18. fenadurspustà sin 2021
Blue Balls Festival, Lucerna17. – 25. fenadurspustà sin 2021
Paléo Festival, Nyon21. – 26. fenadurspustà sin 2021
Openair Lumnezia23. – 25. fenadurspustà sin 2021
Estivale, Estavayer29. – 01. avustnuncler
Lakelive, Bienna03. – 08. avustanullà
Stars in Town, Schaffusa04. – 08. avustnuncler
Musikfestwochen, Winterthur05. – 16. avustspustà sin 2021
Brienzersee Rockfestival07. – 09. avustnuncler
Heitere Open Air, Zofingen07. – 09. avustnuncler
Rock Oz'Arènes12. – 15. avustnuncler
Openair Gampel20. – 23. avustspustà sin 19. – 21. avust 2021
Royal Arena, Orpund21. – 22. avustanullà
Zürich Openair26. – 29. avustnuncler
Riverside, Aarburg28. e 29. avustnuncler
Seaside Festival, Spiez28. e 29. avustnuncler
SummerDays Festival, Arbon28. e 29. avustnuncler

RTR actualitad 17:00