En il studio virtual da rtr.mx3.ch pudais vus eleger musica svizra che vegn silsuenter emessa en il radio rumantsch. Durant la festa naziunala pudais testar quest studio virtual tranter las 21:00 e las 23:00 per embellir vossa festa u tschaina a chasa.
Vasta e variada musica svizra
Sin la plattafurma Mx3.ch èn registrads gia bun 27'000 artistas ed artists. In dumber che demussa quant vasta e variada che la musica svizra è daventada ils ultims onns. Da quai pudais era sa persvader mintgamai il venderdi e la sonda saira da las 19:00 a las 20:00.
In di plain musica svizra - betg per l'emprima giada
Ils 15 da favrer 2019 han celebrà RTR e SRF il di da la musica svizra: In entir di cun musica indigena e concerts da musicistas e musicists svizzers live ord il studio. Era per la festa naziunala datti in'entir di sulettamain musica svizra.
RR actualitad 09:00