Siglir tar il cuntegn

Header

cuntegn

Swiss Music Awards Swiss Music Awards 2020

Ils 28 da favrer sa scuntra la scena da musica svizra en il KKL a Lucerna. Per la 13avla giada datti ils Swiss Music Awards, il premi da musica il pli impurtant da noss pajais – e sco moderatura è Hazel Brugger sin il palc.

En 14 categorias naziunalas ed internaziunalas vegnan onurads musicistas e musicists: il meglier artist e la meglra artista, il meglier album, hit, act sin il palc, nov star ubain il «SRF3 Best Talent». La gronda part dals premis vegn surdà sin basa da las cifras da vendita, damai tenor aspects commerzials e main pervi da la qualitad. Perquai ha la reputaziun dal premi er patì ils ultims onns ed uss datti ina nova partenza cun in auter organisatur. E musicistas e musicists han savens ina relaziun plitost ambivalenta envers il premi, schebain che quel è vegnì stgaffì aposta per els.

La giuria sa cumpona da 51 persunas da la branscha da musica (labels, distributurs, organisaturs da concerts, schurnalists), ed er qua vegn tschernida ina part tenor la cumpart dal martgà.

Las nominaziuns: Patent Ochsner en 4 categorias

ina gruppa da Berna
Legenda: La band bernaisa Patent Ochnser Büne Huber cun musicistas e musicists MAD

La band bernaisa cun Büne Huber ha bunas vistas da gudagnar plirs premis, en las categorias: meglra gruppa, meglier album, meglier hit e meglier act sin il palc – ed er Gölä & Trauffer èn nominads en duas categorias. Auters nominads èn: Luca Hänni, Loco Escrito, Hecht e Lo & Leduc – ed en la categoria «Best Breaking Act»: Marie-Claude Chappuis, Loredana e la Stubete Gäng.

Ils Swiss Music Awards per artistas ed artists internaziunals

En questa categoria datti stars sco Lady Gaga & Bradley Cooper, Billie Eilish, Capital Bra, Ed Sheeran e Rammstein che han vistas da survegnir in premi. Er els pervi da lur cifras da vendita. Fertant ch’ils premis naziunals èn per part er premis da promoziun èn quels internaziunals premis d'image senza gronda persistenza.

Ina saira cun divers concerts

L’eveniment da premiaziun en il KKL vegn er accumpagnà da concerts, uschia da Lewis Capaldi, Bligg, Loredana, Justin Jesso cun Eliane, ed ils nominads per il «SRF 3 Best Talent» Sensu, Naomi Lareine e Monet192.

Nominaziuns per il Swiss Music Award 2020:

Avrir la box Serrar la box

Best Female Act: Beatrice Egli, Stefanie Heinzmann, Loredana

Best Male Act: Stephan Eicher, Kunz, Luca Hänni

Best Group: Gölä & Trauffer, Heimweh, Patent Ochsner

Best Album: Gölä & Trauffer – Büetzer Buebe, Kunz – Förschi, Patent Ochsner – Cut Up

Best Breaking Act: Marie-Claude Chappuis, Loredana, Stubete Gäng

SRF 3 Best Talent: Monet192, Sensu, Naomi Lareine

Best Hit: Loco Escrito – Punto, Luca Hänni – She Got Me, Patent Ochsner – Für Immer Uf Di

Outstanding Achievement Award: Stephan Eicher

Best Live Act: Hecht, Lo & Leduc, Patent Ochsner

Best Act Romandie: L’Eclair, Makala, Muthoni Drummer Queen

Best Solo Act International: Billie Eilish, Capital Bra, Ed Sheeran

Best Group International: Capital Bra & Samra, PNL, Rammstein

Best Breaking Act International: Angèle, Lewis Capaldi, Billie Eilish

Best Hit International: Lewis Capaldi – Someone You Loved, Lady Gaga & Bradley Cooper – Shallow, Lil Nas X – Old Town Road

RTR actualitad 10:00

Artitgels legids il pli savens