Siglir tar il cuntegn

Header

Video
Victoria per Brassorama
Or da Minisguard dals 21.09.2019.
abspielen
cuntegn

TOP junior musique Gronda surpraisa e grond plaschair – victoria per Brassorama

Gronda surpraisa per la scena da musica grischuna: la musica da giuvenils Brassorama sut la batgetta da Hanspeter Bircher gudogna cun il final quest «cumbat musical» cunter otg furmaziuns da la Svizra.

Brassorama è vegnì fundà dal scolast da musica Hanspeter Bircher cun 21 da ses scolars da la scola da musica Surselva.

Video
Brassorama @ TOP junior musique
Or da RTR Social dals 23.09.2019.
abspielen

Show da televisiun en quatter linguas

Il victur è vegnì tschernì en il rom dad ina show da televisiun en quatter linguas la sonda suentermezdi parallel sin ils emetturs SRF1, RSI uno e RTS 1. Nossa moderatura Elin Batista è vegnida accumpagnada da Jean-Marc Richard, Carla Norghauer e Sven Epiney.

Votum public e professiunal

Per pudair gudagnar la concurrenza ha Brassorama stuì persvader tant il public sco er ina giuria professiunala. La giuria sa cumponiva da trais stars da la musica svizra: la famusa Melanie Oesch, la chantadura da la svizra franzosa Phanee de Pool e Sebalter, che ha represchentà la Svizra il 2014 a l'ESC.

Lur vuschs han quintà per 50% – tschels 50% èn vegnids dad in televoting dal public da televisiun.

Il segund participant rumantsch è stà l’ensemble «PiCant» cun las dirigentas Flavia Walder e Rilana Cadruvi. Il chor cun las 17 giuvnas è vegnì da sa qualifitgar en la preselecziun da la sparta chor che RTR ha manà atras questa primavaira a Glion.

Video
PiCant @ TOP junior musique
Or da RTR Social dals 23.09.2019.
abspielen

Ils finalists

Natascha e Maruschka MonneyJodelFriburg
Mattia AlbisettiMandolinaTessin
Kapelle SondewendMusica popularaAppenzell Dadens
Coro CalicantusChorTessin
Ensemble Schola de SionChorVallais
PiCantChorGrischun
BrässkalationBrassArgovia
BrassoramaBrassGrischun
Valentin Claivoux & Quintin BénetAccordeon e pianoVallais

RR novitads 18:00