Siglir tar il cuntegn

Header

Purtret dal duo svizzer da la musica electronica Yello.
Legenda: Restan fidaivels a lur stil unic. Keystone
cuntegn

Yello Ils pioniers da l'electropop vegnan sin il punct

Dapi 40 onns publitgescha il duo Yello lur musica caracteristica. Era sin lur album nov «Point» restan Yello fidaivels a lur stil unic.

Yello sa cumpona da Boris Blank e Dieter Meier. Las duas corifeas da la musica electronica fan dapi 40 onns lur tipic stil da musica. Musica che n’è betg d’imitar, nunconvenziunal, incumparabel e senza cumpromiss.

Quai resta era tar lur 14avel album «Point» uschia. Yello resta Yello. Sch’ins avra in album dal duo lura san ins tge che spetga ins. E quai è era bun uschia. Els n’èn betg suttamess a la moda. Las monduras ed ils barbis stattan bain, lur sauts minimalistics èn «on point» ed anc adina derasan els lur furbarias. Ins savess dir ch’els hajan dapi 40 onns strusch sa midà. Ma ston els era betg. Gia daditg èn Yello arrivads ed han etablì lur atgna marca.

Ils albums da Yello

Textbox aufklappenTextbox zuklappen
Purtret dal duo svizzer da la musica electronica Yello.
Legenda:Keystone
  • 1980 – Solid Pleasure
  • 1981 – Claro que si
  • 1984 – You Gotta Say Yes to Another Excess
  • 1985 – Stella
  • 1987 – One Second
  • 1988 – Flag
  • 1991 – Baby
  • 1994 – Zebra
  • 1997 – Pocket Universe
  • 1999 – Motion Picture
  • 2003 – The Eye
  • 2009 – Touch Yello
  • 2016 – Toy
  • 2020 – Point

Tge stuessan ins savair/tadlar da Yello?

Dieter Meier e Boris Blank èn sa scuntrads en in labor d’autos nua ch’els han registrà ramurs da motors. Là han els cumenzà a discurrer e baud chatta l’interess communabel da la musica electronica ed experimentala. Els han cumenzà a registrar las ramurs da divers apparats e maschadà ensemen quellas ramurs tar chanzuns. Cun quai èn els daventads piuniers da la musica electronica ed influenzà fermamain quest gener. Gronds hits dad els èn tranter auter «The Race» ed «Oh Yeah».

RTR Semperverds 16:00

Artitgels legids il pli savens

Scrollar a sanestra Scrollar a dretga