La chantadura americana è sco gia l'onn passà stada la victura da la notg als American Music Awards. Tranter auter è Swift vegnida undrada sco meglra artista da l'onn. Plinavant ha Taylor Swift gudagnà il premi sco pli populara chantadura da Pop/Rock e per il meglier video per il video da sia nova chanzun «Cardigan».
Il chantadur canadais Justin Bieber ha medemamain survegnì trais premis, sco pli popular chantadur da Pop/Rock ed ensemen cun il duo da country e pop, Dan + Shay ha el survegnì il premi da la meglra collavuraziun e per la chanzun «10'000 hours»
Il musicist The Weekend ha survegnì en il genre Soul/R&B ils premis sco meglier, chantadur, meglier album (After Hours) e meglra chanzun («Heartless». La chantadura americana Doja Cat è vegnida undrada sco meglra artista nova e sco meglra chantadura da Soul/R&B.