Siglir tar il cuntegn

Header

audio
150 onns Chor viril Salouf
Or da Artg musical dals 24.07.2022.
laschar ir. Durada: 1 minuta.
cuntegn

Artg musical 150 onns Chor viril Salouf

Il Chor viril Salouf è vegnì fundà il 1872 da pader Donatus da Vaz e dal magister Stefan Antona Sonder. L'um che ha però furmà fitg il chor saja stà Giatgen Peder Demarmels, uschia vegn scrit en la cronica. Il Giatgen da Ziteil sco el vegneva numnà ha dirigì il chor dal 1880 fin il 1915, pia 35 onns e quai senza avair ina scolaziun da musica u enconuschientschas da notas. Sut sia direcziun è il chor sa participà il 1898 per l'emprima giada ad ina festa da chant districtuala (Casti).

L'onn 1932 ha il chor survegnì ses emprims statuts e l'onn 1966 ha el organisà la festa da chant districtuala. Quella è stada in grond success. Sin questa festa ha il Chor viril Salouf er cumprà l'emprima bandiera. Quella è anc oz en funcziun. Paucs onns pli tard, il 1972 ha il chor pudì festivar ses centenari.

Er per la festa da 150 ha il chor envidà a festa. Collavurà al concert da gala han er il chor d'uffants «La Bargeda» ed il chor da giuvenils «incantanti» cun ses dirigent Christian Klucker. Tenor il president actual dal chor, Adrian Demarmels, ina festa gartegiada.

audio
Adrian Demarmels: "Il concert, l'avertura da la festa è stada grondiusa."
ord Artg musical dals 21.06.2022.
laschar ir. Durada: 8 minutas 23 Secundas.

Cun questa festa da giubileum remetta Roland Capeder la bitgetta. El ha dirigì ils umens dapi il 1993 e la suprastanza cun Adrian Demarmels èn sa mess a la tschertga e sco i para datti ina schliaziun uschia ch'il chor viril da Salouf po scriver enavant sia istorgia remartgabla.

Artg musical 15:00

Artitgels legids il pli savens

Scrollar a sanestra Scrollar a dretga