1. Concert: Salome Cavegn ed Andriy Dragan
Sonda, ils 13 da november 2021, a chaschun da la «Sonda lunga» a Cuira han l'Archiv statal ed RTR envidà ad in concert en memoria da dus capocumponists grischuns: Armon Cantieni e Duri Sialm. Cunquai ch'ils relaschs dad els dus sa chattan en l'Archiv statal han Reto Weiss (archivar statal), Giusep Giuanin Decurtins (producent RTR pensiunà) ensemen cun Simon Camartin (dirigent e musicist da Mustér) gì l'idea da far concert en las localitads da l'archiv ed er gist exponer documents, partituras e notas dals dus cumponists.
Uschia han Salome Cavegn (mezzosopranista) da Breil ed Andriy Dragan (pianist oriund da l'Ucraina) preschentà intginas ovras da Cantieni e Sialm. Trais giadas han els dus dà lur concert da bun 30 minutas. RTR ha natiralmain registrà quest concert uschia che vus pudais uss er tadlar ovras per chant e clavazin u per clavazin solo.
Sonda lunga en l'Archiv statal
-
Bild 1 von 9. A chaschun da la Sonda lunga ha l'Archiv statal dà invista a parts dals relaschs dad Armon Cantieni e Duri Sialm. Bildquelle: RTR, Hugo Schär.
-
Bild 2 von 9. Partituras originalas da Armon Cantieni, exponidas en l'Archiv statal dal Grischun. Bildquelle: RTR, Hugo Schär.
-
Bild 3 von 9. Suldanella, partitura originala da la chanzun da Armon Cantieni. Bildquelle: RTR, Hugo Schär.
-
Bild 4 von 9. Partitura scrit a maun da Armon Cantieni. Bildquelle: RTR, Hugo Schär.
-
Bild 5 von 9. Partitura originala, scrit a maun da Duri Sialm, exponida en l'Archiv statal dal Grischun. Bildquelle: RTR, Hugo Schär.
-
Bild 6 von 9. Ina dedicaziun scritta da Duri Sialm. Bildquelle: RTR, Hugo Schär.
-
Bild 7 von 9. Reto Weiss, l'archivar statal, fa l'introducziun en il concert a chaschun da la Sonda lunga. Bildquelle: MAD.
-
Bild 8 von 9. Salome Cavegn ed Andriy Dragan concerteschan en l'Archiv statal. Bildquelle: MAD ,Archiv statal.
-
Bild 9 von 9. Archiv statal ed il concert da Salome Cavegn ed Andriy Dragan. Bildquelle: RTR, Hugo Schär.
2. Concert Emanuel Heitz ed Alena Sojer
La fin da matg hai dà a Trun il Cun ART festival musical. Era là hai dà in concert da musica da chombra, cun chant e clavazin. Il tenor Emanuel Heitz (Basilea) e la pianista austriaca Alena Sojer han interpretà e sunà diversas ovras da Franz Schubert, Samuel Barber ed auters.
Dapli da l' interpreta e da l' interpet
3. Concert: Karin Streule e Pascal Gamboni
Ina sentupada musicala speziala hai dà la fin da matg 2021 a Trun. A chaschun dal Cun ART festival musical ha la chantautura dal chantun Appenzell Dadens, Karin Streule, dà in concert communabel cun il chantautur indigen, Pascal Gamboni. Els han divertì il public er cun lur atgnas moderaziuns curtas tranter las singulas chanzuns.