Dapi onns èn concerts communabels da duas scolas autas tradiziun e mintgamai in punct culminant al festival Alpentöne (Alpentöne-Festival). Adina dalla partida èn studentas e students da la scol’auta da Lucerna cun il rom principal: Musica populara. Lur furmaziun sa numna Alpinis.
L'avust 2021 ha Alpinis envidà studentas e students da l'universitad Mozarteum Salzburg cun il medem rom principal. Ordlonder hai dà ina maschaida da musica populara austriaca e svizra. In'emna avant il concert èn els s'inscuntrads per exercitar, improvisar ed er crear novas cumposiziuns. Las radund 20 studentas e students e lur manaders Anton Gmachl e Roland Mayer-Sams (Mozarteum) e Nadja Räss e Fränggi Gehrig (scol'auta Lucerna) han durant l'emna intensiva schlargià lur repertoris e creà in program interessant e divertent.
Las furmaziuns
-
Bild 1 von 2. Studentas e students dal Mozarteum Salzburg. Bildquelle: MAD.
-
Bild 2 von 2. Studentas e students dal ensemble Alpinis (scol'auta Lucerna). Bildquelle: MAD.