L' Artg musical porta in concert ch'il Berner Symphonieorchester ha dà il 2019 en il teater Berna. Era sin tribuna è stà in musicist, in cellist, da Turitg cun ragischs grischunas: Christian Poltéra. In da ses tats era emigrà da Rona a Turitg e Christian ha passentà bleras vacanzas da stad a Riom. Oz posseda el in pitschen domicil da vacanzas a Cunter ed è bainsavens là per sarevegnir. El suna il concert per violoncello ed orchester en a-moll da Samuel Barber. Tenor il cudischet da program in’ovra che pretenda grondas sfidas tecnicas e musicalas.
Fundà il 1877 sut il num «Bernischer Orchesterverein» è il Berner Symphonieorchester sco el sanumna oz, daventà in’instituziun.
