Leonard Cohen è senza dubi in dals gronds chantauturs dals ultims 50 onns. El è naschì il 1934 e mort il 2016. Dal 2013 ha el fatg in concert remartgabel a Dublin, in da ses ultims – ed el ha preschentà blers da ses tocs enconuschents dals ultims 40 onns ed er bleras chanzuns da ses disc dal 2012 «Old Ideas». Sia band: Roscoe Beck, bass – Neil Larsen, tastas – Rafael Gayol, batteria – Mitch Watkins e Javier Mas, ghitarra, Alex Bublitzkhi, violina e las vuschs da Sharon Robinson, Charley e Hattie Webb. L'Artg musical dad oz preschenta l'emprima part dal concert da Dublin. La segunda udis lura en in'emna.
