Il 1982 han Paul Angerer e ses figl Christoph fundà l'orchester Concilium Musicum Wien. Quel è ina furmaziun creada a posta per preschentar musica dal 18avel tschientaner. Il decurs dals onns ha l’orchester dentant schlargià ses repertori ed è enconuschent ozendi per ses grond spectrum da musica barocca fin la musica da saut dal 19avel tschientaner.
Entant ha Christoph Angerer surpiglià la direcziun. El è da l’annada 1966, è in Austriac ch’è naschì a Bonn (Germania) e posseda era il dretg da burgais svizzer. En ses studis da musica è el tranter auter era s'occupà cun la preschentaziun istorica d’ovras da la pre-classica e da la classica sin instruments originals da quest temp.
Al concert ch'els han dà il 2005 en l'Akademie der Wissenschaften a Vienna sunan els ovras da Joseph Haydn e da ses frar Michael sco era il concert per Viola d'amore da Carl Stamitz.
Festa chantunala da chant Samedan 1999
Ils 19 e 20 da zercladur 1999 han 73 chors prendì part a la 23avla festa chantunala. Igl è ina da las tschintg festas chantunalas da chant che RTR ha gia publitgà sin rtr.ch/festas. En total sa chattan actualmain 58 festas da chant e da musica sin quest portal. La finala preschenta RTR sin questa pagina tut las registraziuns che nus avain fatg ils ultims 40 onns a chaschun da festas chantunalas e districtualas. En pli datti danovamain era concerts sin questa plattafurma.
