La fin dals onns 1920 era Kurt Weill vi da la lavur per si’opera «Aufstieg und Fall der Stadt Mahagonny», cura ch'el ha survegnì il 1928 dal «Frankfurter Sender» l’incumbensa per ina nov’ovra. Weill ha vesì questa lavur sco studia da stil bainvegnida per l’opera gronda. Tuttina ha ses «Berliner Requiem» in’impurtanta rolla en l’ovra da Weill. Il text è da Bertolt Brecht.
Der Titel «Das Berliner Requiem» ist keineswegs ironisch gemeint, sondern wir wollten versuchen, das über den Tod auszusagen, was der grossstädtische Mensch zu diesem Thema empfindet. Das Ganze ist eine Folge von Totenliedern, Gedenktafeln und Grabschriften, also doch etwas wie ein weltliches Requiem.
Il 1929 è stada a Frankfurt am Main la premiera mundiala dal «Berliner Requiem». Da quel datti anc ina versiun alternativa ed autorisada, la uschenumnada «Luzerner Fassung» ch'aschunta las duas chanzuns «Die rote Rosa» e «Zu Potsdam unter den Eichen».
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
