Festa districtuala da musica Rabius
La festa a Rabius è stada sin ina moda «istorica» pertutgant la valitaziun da las prestaziuns da las societads da musica. Per l’emprima giada èn las societads vegnidas valitadas cun puncts averts, munta ch’i ha dà ina rangaziun en mintga categoria. Fin lura eran las prestaziuns vegnidas giuditgadas «be» cun in tschupè dad aur per fitg bunas ed excellentas prestaziuns e cun in tschupè d’argient per bunas e main bunas prestaziuns. Adina dapli musicantas e musicants han dentant vulì savair quant bunas ch’ellas èn aifer il district, han pia giavischà ina valitaziun averta cun puncts e rang.
In'autra chaussa singulara a Rabius è stada la partizipaziun d'uniuns da tambur. Betg main che quatter talas han prendì part a la festa. L'Artg musical porta las preschentaziuns dals tamburs da Sedrun, Mustér e Rabius sco era quella dals giuvens tamburs da la Scola da musica Surselva.
Playfestas – il portal da festas da chant e musica
Festa districtuala da chant Zuoz
L'entschatta zercladur 1988 èn 24 chors dal district Engiadina / Val Müstair / Valle di Poschiavo e Bregaglia sa participads a la festa a Zuoz. In bel dumber da chors virils e maschadads che han fatg viadi a Zuoz per sa preschentar avant la giuria d'experts. L'Artg musical porta intginas da questas chanzuns e tgi che vul tadlar tuttas po ir a far quai sin il portal rtr.ch/playfestas.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
