Siglir tar il cuntegn

Header

video
Schubertiade - inscunter da quatter giuvens talents
Or da RTR musica dals 07.11.2022.
laschar ir. Durada: 9 minutas 9 Secundas.
cuntegn

Artg musical Giuvens talents svizzers

Il prim da settember èn s'inscuntrads quatter musicistas e musicists giuvenils da las quatter regiuns linguisticas svizras a Friburg. Els n'enconuschevan betg in l'auter ed han gì da preparar in concert communabel.

Dumengia, ils 4. da settember 2022 han Anna Schultsz (violina), Sarah Murer (clavazin), Aita Gaudenz (clavazin) e Jonathan Gerstner (cello), tuts quatter giuvens talents sin lur instrument, dà in concert communabel. Aifer quels paucs dis han els excercità lur tocs communabels ed han latiers gì sustegn professiunal da François Killian, pianist a la Scol'auta da musica. La prestaziun dals quatter giuvenils è remartgabla.

audio
Pavillon Suisse: Giuvens talents da la musica classica
ord Artg musical dals 06.11.2022.
laschar ir. Durada: 1 minuta 58 Secundas.

Las quatter unitads d'interpresa da la SRG SSR, vul dir SRF2 Kultur, Espace deux (RTS), Rete due (RSI) ensemen cun RTR han danovamain producì in'emissiun directa communabla, quai en il rom da «Pavillon Suisse». Durant la Schubertiade a Friburg (1. fin ils 4-09-2022) han ils quatter giuvens talents preparà lur tocs communabels.

Els n'han anc mai vis in l'auter avant e discurran mintgina e mintgin sia lingua materna. RTS ha accumpagnà las trais musicistas ed il musicist cun camera durant quests dis. Ordlunder hai dà quatter bels purtrets sco era in film dal project, dal prim inscunter fin al concert final.

Sco la represchentanta per la Svizra rumantscha, Aita Gaudenz, ha tradì, hajan els ensemen per gronda part discurrì englais. Durant ils excercizis en duas per part dentant era autras linguas naziunalas. Per la giuvna pianista rumantscha, oriunda da Favugn, è quai stà in fitg interessant project.

audio
Aita Gaudenz: «Igl è stà ina fitg, fitg bella experienza.»
ord Artg musical dals 27.10.2022.
laschar ir. Durada: 2 minutas 59 Secundas.

RTR Artg musical 14:00

Artitgels legids il pli savens

Scrollar a sanestra Scrollar a dretga