Quest ensemble che sa preschenta mintg’onn en differentas cumposiziuns e grondezzas ha in vast repertori da musica populara da la regiun da las Alps. El sa fatschenta era cun ils svilups da la musica veglia e nova e s’avischina a la classica ed al jazz. La direcziun da l’ensemble mida mintg’onn, actualmain al dirigia il violinist Andreas Gabriel.
L’ensemble Alpinis è vegnì fundà il 2009 ed è daventà ina furmaziun fitg creativa cun grond gust d’experimentar. Bleras da las absolventas e dals absolvents cuntinueschan suenter il studi, furman lur atgna furmaziun e dattan novs impuls a la scena da la musica populara svizra. Gia durant lur scolaziun sunan e chantan ils Alpinis a la Stubete am See e preschentan lur cumposiziuns ad in public pli vast. L’ultima represchentaziun ha gì lieu la fin d’avust da l’onn passà cun in program zunt multifar. Quella è vegnida registrada da SRF 2 Kultur e Vus l’udis en l’Artg musical da questa dumengia.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.