Caroline Charrière è naschida ils 26 da december 1960 a Friburg. Al conservatori da Losanna ha ella studegià flauta traversa e parallel era frequentà curs da cumposiziun ed orchestraziun tar Jean Balissat. Sin ses instrument ha ella er fatg in perfecziunament tar Aurèle Nicolet. Il 1994 ha ella terminà ses studi da direcziun d'orchester. Durant tut quests onns ha ella impundì bler temps per cumponer. Davent il 1993 è ella sa deditgada pli e pli fitg a quai e davent l'onn 2000 è quai daventà sia activitad principala. Ella ha survegnì diversas incumbensas per cumposiziuns per exempel da Laurent Estoppey, Brigitte Balleys («Du livre pour toi») u dal quartet Amar.
Dapli
L'onn 2001 ha ella scrit ses emprimi oratori sin incumbensa dal giubileum da 10 onns d'in chor maschadà. I tracta l'istorgia da Hiob. Il schurnal regiunal da Berna / Friburg / Vallais ha fatg in discurs cun ella davart quest'ovra:
Il 2008 ha ella gudignà il terz premi a la concurrenza Label Suisse per sia chanzun «Flowers» per chor maschadà. Era ils proxims onns han sias cumposiziuns chattà la via en las salas da concert. L'ovra «Anima mea» (per otg vuschs, orgla ed orchester) ha ella scrit per il Lucerne Festival 2010. Il 2014 ha ella cumponì in concert per orgla ed orchester per Anne Chollet e l'Orchestre de Chambre de Lausanne. Il 2017 ha sia ovra «Awakening» gudignà il segund premi en ina concurrenza internaziunala da cumposiziun.
Durant si'entira vita è la dunna er s'engaschada per dunnas, il chant da dunnas. Durant bunamain 30 onns ha ella dirigì il chor da dunnas Choeur Jade da Friburg ed er en sias ovras giogan dunnas savens ina rolla impurtanta, per exempel en «Femmes de Jérusalem».
Il 2018 mora Caroline Charrière a Fribourg suenter lunga malsogna cun be 57 onns.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.