Siglir tar il cuntegn

Header

audio
Ina glisch d'enviern - Winter light
Or da Artg musical dals 18.12.2022. Maletg: MAD
laschar ir. Durada: 1 minuta 4 Secundas.
cuntegn

Artg musical Ina glisch d'enviern

Enviern e glisch, dus chavazzins che tutgan tar il temp d'advent e Nadal. «Winter light» è era in titel sin il nov disc cumpact da la 3BA Concert Band, ina cumposiziun dal giuven Giapunais Hiroshi Takahashi, in'anteriur scolar dal dirigent Corsin Tuor.

Il nov disc cumpact è in dals prims projects ch’il dirigent rumantsch Corsin Tuor ha pudì realisar cun la 3BA Concert Band – la Bayrische Brass Band Akademie. Dapi il 2019 diregia Corsin Tuor quella formaziun e la pandemia ha disturbà fitg ses projects ch'el ha planisà cun la band. Tant pli dastgain ans legrar ch’igl è gartegià da realisar il disc cun musica per il temp d’Advent e Nadal. Sco il maestro ha tradì ad RTR è el fitg cuntent ch'el ha finalmain pudì realisar quest disc.

audio
Corsin Tuor: «Nus avain stuì spustar duas giadas la registraziun pervi da la pandemia.»
ord Artg musical dals 30.11.2022. Maletg: RTR, Hugo Schär
laschar ir. Durada: 9 minutas 48 Secundas.

Sin il disc chatt'ins diversas cumposiziuns per il temp d'advent e Nadal, per part nunenconuschentas. Sper litteratura da Johann Sebastian Bach datti era duas ovras originalas dal Svizzer Stephan Hodel («Christmas in Switzerland» e «A German Christmas»). Er d'udir è in medley da diversas chanzuns da la Valisa (Wales) en l'ovra «A Collection of Welsh Carols».

Ina rolla centrala giogan dentant er ils arranschaments da chanzuns da Nadal da la Pologna. Quellas han per part in zic damain «glischur» (glamour) che las chanzuns anglosaxonas, persvadan dentant cun lur ruassaivladad, èn simplas e savens miaivlas, pensivas ed era elevadas – ina vaira truvaglia.

RTR Artg musical 14:00

Artitgels legids il pli savens

Scrollar a sanestra Scrollar a dretga