En l’emissiun da questa dumengia dain nus in sguard sin in eveniment da musica populara ch'ha gì lieu l'entschatta d’avust. Il lieu: in restaurant da muntogna sin 1'660 meters sur mar, cun vista magnifica sur tut la vallada ed in’atmosfera da bellezza, er perquai ch’il sulegl ha splendurà quel di.
Nus essan a l’inscunter da chapellas a Furgglis sur Tschiertschen e durant l’entira dumengia hai dà musica populara per tut ils gusts, en ina cuntrada cun vista magnifica ed atmosfera patgifica. RTR è stà da la partida e nus avain registrà tut las furmaziuns ch'èn stadas sin il palc. En l’emprima ura udis las chapellas grauBÜNDIG e Grischuna Örgeler en la segunda part datti musica dal Ländlertrio Hermann e da la chapella Rhygold. Las represchentaziuns da la chapella Alp Stätz, dals Wasewachser e dal duo d’accordeons Just/Meierhans preschentain nus en ina da las proximas emissiuns da musica populara da la gievgia saira.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.