Mintg’onn il principi da schaner è in dals eveniments ils pli impurtants per tut ils amis da la musica populara: l’inscunter da chapellas a Landquart, in eveniment cun bun’atmosfera e blers schottischs, marchas, polcas e valsers. Quest onn è quel vegnì organisà per la 58 avla giada, e da la partida èn stadas furmaziuns da renum sco la «Oberbaselbieter Ländlerkapelle », las chapellas «Stelser Buaba», «Oberalp», «Rhygold», «GrischArt» ed er ils «Rusch Büeblä ». Ulteriurs giasts èn las furmaziuns «Zentralschwiizer Ländlertrümpf», la «Chapella Tasna» e «Die Nussis» dal Tirol dal Sid.
In grond public ha procurà per ina bellischma atmosfera, musicantas e musicants han giudì da sunar.
Ils musicants giuvens dal Schanfiggermix: ils stars da la saira.
L’Artg musical da RTR preschenta ina schelta dals tocs che nus avain registrà ensemen cun la Musikwelle da SRF. Sauts sco: Auf zum Postwirt, Uri stark, la talianina, am Lünersee, Holzer-Sunntig, Uf em Stoos ob Schwyz ed il schottisch Wildbärg-Derby.
Impressiuns dal 58avel inscunter da chapellas a Landquart
-
Bild 1 von 10. A la fin sa preschentan tut las chapellas sin il palc. Bildquelle: RTR.
-
Bild 2 von 10. La chapella Alpafründa. Bildquelle: RTR.
-
Bild 3 von 10. Dal Partenz: la chapella Stelser Buaba. Bildquelle: RTR.
-
Bild 4 von 10. Il Schwyzerörgeliquartett Räbloch dal Emmental. Bildquelle: RTR.
-
Bild 5 von 10. Die Nussis dal Vnuost. Bildquelle: RTR.
-
Bild 6 von 10. La Jodlergruppe Amselflue da Tavau. Bildquelle: RTR.
-
Bild 7 von 10. Dal chantun Sviz: ils Rusch-Büeblä. Bildquelle: RTR.
-
Bild 8 von 10. Intervista cun ils buobs da Schanfiggermix. Bildquelle: RTR.
-
Bild 9 von 10. Blers cuntrabass. Bildquelle: RTR.
-
Bild 10 von 10. La Oberbaselbieter Ländlerkapelle. Bildquelle: RTR.
