La Husistein Musik è ina furmaziun cun Evi Güdel-Tanner che suna fagot, Andri Mischol e Rita Rohrer, violina – Armin Müller, clarinetta, e Lukas Erni, cornet. A Rudolstadt han els sunà sauts vegls da la regiun en il vest dal chantun Lucerna. Quels derivan dal repertori da Anton Husistein, in musicant e chalger che ha vivì en il 19 avel tschientaner. Sia chapella era enturn il 1850 fitg activa e cun ses schottischs, sias polcas e mazurcas ha ella sunà tar nozzas e festas en la regiun. Sia musica era fitg populara, è però ida en emblidanza. Pir avant paucs onns èn els vegnids rescuvrids ed han survegnì nova vita. Quels han els preschentà a Rudolstadt, al 40avel Festival da folk da la EBU.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.