Marschs
Bleras sunaduras e blers sunadurs d'instruments a flad han cumenzà lur carriera professiunala en lur musicas dal vitg, musicas instrumentalas u er orchesters instrumentals. Uschia èn els quasi creschì si cun musica da marsch. Ord questa ponderaziun n'èsi betg dasperas da far in disc cumpact cun bels marschs, sunads sin aut nivel e dirigì da dus dirigents da renum mundial. Il titel dal disc cumpact: «Für uns Ehrensache – Märsche».
Lorin Maazel e Zubin Mehta diregian la partiziun d'instruments a flad da l'orchester «Münchner Philharmoniker».
Feste romane
Ensemen cun «I pini di Roma» e «Le fontane di Roma» tutga quell'ovra a la trilogia romana d'Ottorino Respighi. «Feste romane» descriva festas en ed enturn Roma suenter ils temps dals imperaturs. L'ovra cumpiglia quatter parts che van ina en l’autra:
- Circenses (ils circus) descriva il cumbat sanguinus e mortal d’in gladiatur en l’arena dal Circus Maximus,
- Giubileo preschenta la festa dal catolicissem. Mintga 25 onns samettan pelegrins ord tut il mund sin via envers Roma per s'inscuntrar
- Ottobrata descriva la festa da raccolta e chatscha en la vischinanza da Roma e
- La Befana. Tenor la cardientscha populara taliana è la Befana ina stria che sgola la notg dals 5 als 6 da schaner da chasa a chasa ed è sin la tschertga dal Bambin. Ella porta schenghetgs u chastis.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
