Preschentar Marco Zappa è bunamain in zic sco da purtar aua en il Rain. El è in grip da la scena da musica svizra ed in dals pli multifars vitiers. Marco Zappa è naschì il 1949 a Locarno e sia carriera musicala ha cumenzà ils onns 60. Dapi lura, pia dapi passa 50 onns, ha el publitgà passa 30 albums nua ch’el s’occupescha da differents stils musicals sco blues, jazz, classica ed era musica populara. Tar lezza ha el in’affinitad speziala per la musica populara dal Tessin e da l’Italia dal nord, vul dir dal Piemont, la Lombardia u la Liguria.
Marco Zappa è er in multiinstrumentalist, el suna ghitarra, bass, orgelin da bucca dentant er instruments sco organetto, bouzouki u saxonette. Si'ovra ha ragischs en la cultura alternativa taliana ed englaisa dals onns 60. El è in dals emprims chantauturs che ha preschentà sin tribuna hits dals Beatles per talian. El ha er collavurà sin l'album «Lain fabular» dal 2005 (cun «I dat sulegl») nua che Benni Vigne ha fatg texts rumantschs dals songs dals Beatles.
Vitiers è Zappa er arranschader, chantadur e producent. Sco l'autur sez stattan er sias chanzuns en stretga relaziun cun la cultura ed istorgia dal Tessin.
Al concert sin la Piazza del Sole a Bellinzona, a chaschun da la Festa federala da la musica populara ha el concertà sun la band «Profumi ticinesi». Ils videos chattais er sin PlayRTR u sin il chanal da youtube da RTR.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.