Sut l'egida da las quatter unitads da RSI, RTS, SRF e RTR porscha ina gruppa interna da la SRG SSR, la gruppa interregiunala folclora IAF, dapi 30 onns mintg'onn eveniments naziunals ed emissiuns che vegnan preschentadas en las differentas regiuns dal pajais. Tut quai er en stretga collavuraziun cun las associaziuns musicalas. Il disc cumpact «Musica populara svizra» è vegnì concepì e sviluppà en il rom da las festivitads da 50 onns «Kiosque à musique», la pli veglia emissiun da radio da RTS ch'ins po tadlar anc oz.
Responsabels per realisar il project èn Massimo Scampicchio (RSI), Jean-Marc Richard (RTS), Guido Rüegge e Dani Häusler (SRF) sco era Giusep Giuanin Decurtins e Hugo Schär da RTR.
Quest project è d'impurtanza particulara ed exprima la relaziun speziala che la Svizra ha cun la musica! I dat millis e millis musicist*as, savens giuvens e giuvnas, amatur*as sco era expert*as.
Per passa 80% da la cuminanza musicala en Svizra sa manifestescha questa passiun per la musica populara cun l'accordeon, ils instruments a flad, il chant choral e la folclora. In disc cumpact che porta questa diversitad er en vossas stivas. Il repertori tradiziunal e modern enina, unescha gia sulet tut las generaziuns.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
