Era quest onn guardain nus enavos sin las registraziuns che RTR ha fatg durant il 2022. Quai faschain nus en duas uras Artg musical (08-01-23 e 15-01-23).
En l'emprima part (08-01-23) laschain nus reviver las registraziuns dals mais schaner fin zercladur. Tranter auter datti d'udir registraziuns dal Festival da chors svizzers a Gossau u dal GP Vignogn.
En la segunda part laschain nus reviver las registraziuns dals mais fanadur fin december. Tranter auter datti d'udir registraziuns dal 2. Festival da la chanzun rumantscha, dal Festival Gion Antoni Derungs u dal Prix Musique Suisse ch'è vegnì surdà per l'emprima giada en il Grischun.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
