Siglir tar il cuntegn

Header

audio
Peder Cadotsch – inspiraziun per blers cumponists rumantschs
Or da Artg musical dals 12.06.2022.
laschar ir. Durada: 57 minutas 30 Secundas.
cuntegn

Artg musical Peder Cadotsch – inspiraziun per cumponists rumantschs

Quest onn pudess il poet surmiran festivar ses 100avel natalizi. Sias poesias han inspirà blers cumponists rumantschs uschia ch'i dat fitg bleras chanzuns cun ses texts. L'Artg musical sa regorda dal poet surmiran.

Peder Cadotsch è naschì ils 30 da matg 1922 a Panaduz, è dentant creschì si a Savognin, nua ch'el ha passentà sia uffanza e giuventetgna sco era frequentà la scola populara. Gia durant il gimnasi a Mustér ed anc pli fitg durant il temp da studi a las universitads da Friburg e Berna ha el cumenzà a scriver, per gronda part poesias. Suenter avair cuntanschì l'examen da stadi sco dentist ha Peder Cadotsch avert in'atgna pratica a Lucerna ch'el ha manà dal 1954 fin il 1988. En la citad al Lai dals Quatter Chantuns ha il poet scrit la pli gronda part da sias poesias e novellas.

L'art da scriver da Cadotsch è levamain popular, er perquai che ses stil è simpel, sia lingua empernaivla e nuncumplitgada. Sias poesias èn liricas, cun ina tempra romantica. Encreschadetgna ed amur, il nascher ed il murir da la natira èn tematicas da sias poesias.

Mes bab era in simpel um, avert per il bel. E las poesias eran per el insatge dal pli bel. Uschia hai jau survegnì da pitschen ensi la gronda affinitad a la poesia.
Autur: Peder Cadotsch scrivent

Pli probabel ha gist quai inspirà plirs cumponists rumantschs da scriver chanzuns sin basa da sias poesias. Sper quai sa fatschenta Cadotsch en sias ovras però era da problems pli gronds e pesants che tanschan er lunsch sur il cunfin dal Grischun e da la Svizra ora. Per sia collecziun da poesias «Sbrenslas» ha el retschavì l'onn 1973 il premi da l'uniun da scripturs rumantschs.

Ils 20 da zercladur 2002 è Peder Cadotsch mort a Savognin.

Ina schelta da las chanzuns che sa basan sin ses texts datti en l'Artg musical sco era en l'emissiun Noss chors.

Artg musical 15:00

Artitgels legids il pli savens

Scrollar a sanestra Scrollar a dretga