La Svizra è enconuschenta per bleras chaussas, dentant strusch per sia sinfonica. Cumponists svizzers da la classica e romantica vivan plitos en la sumbriva, betg mo en l'exteriur mabain er en l'agen pajais. Per quest motiv vul il «Swiss Orchestra» (fundà il 2018) adina puspè preschentar al publicum ovras nunenconuschentas da l'istorgia svizra.
Il matg 2023 ha l'orchester dà il concert per violina en A-Dur da Herman Suter. Lez è naschì il 1870 a Kaiserstuhl (AG) e mort il 1926 a Basilea. El vala sco in dals impurtants cumponists svizzers. Suter ha era dirigì blers onns il «Basler Gesangsverein» e la «Liedertafel». Passa 20 onns ha el era manà ils concerts da la «Allgemeine Musikgesellschaft Basel». Dal 1918 fin il 1921 è el era stà directur dal conservatori da Basilea.
Bler pli vegl ch'il Swiss Orchestra è la Camerata Bern. Fundada il 1962 sacumpona l'ensemble da 15 solistas e solists.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.