L'Artg musical stat dal tut sut l'ensaina da la festa naziunala, il prim d'avust. Durant in'ura datti musica exclusiva da cumponists svizzers e sunada d'orchesters d'instruments a flad e da brass bands svizras. Igl è tut ovras da cumponists che vivan anc, sco Etienne Crausaz, Bertrand Moren, Oliver Waespi, Franco Cesarini, Marc Jeanbourquin u Gilbert Tinner. Suletta excepziun è il cumponist da noss imni naziunal, Alberich u Alberik Zwyssig.
Per la musica instrumentala en Svizra datti massa bunas cumposiziuns che vegnan però betg sunadas savens. Quai è fitg deplorabel er perquai ch'intgins cumponists svizzers han renum internaziunal ed han era gia pudì cumponer tocs da pensum per concurrenzas da musica en l'exteriur. L'emissiun vul perquai nizzegiar la chaschun e preschentar tocs d'intgins cumponists giuvens. As persvadai da la gronda varietad e qualitad da las cumposiziuns svizras.
Ils cumponists en l'emissiun
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.