I dat er chaussas ch'ins na sa betg dir cun pleds, forsa be cun tuns, cun ils pleds da la musica, cun il linguatg da l'art, scriva Arnold Spescha insanua. E lavurar cun il linguatg possia mintgina, mintgin – bain u mal! Cumponer dentant dovri la maitrise dal mastergn, scolaziun!
En trais Artgs musicals emprov'jau da m'avischinar ad Arnold Spescha – il poet. En il terz e davos discurra el da vocals e consonants, relata misteris da la sonoritad da la lingua rumantscha. Ed el raquinta l'istorgia da sia emprima e davosa cumposiziun, in Ave Maria. Arnold numna questa cumposiziun in putgà da giuventetgna. Dentant na sajan ils putgads da giuventetgna betg ils menders ch'ins fetschia! Nus tadlain sa chapescha quest Ave Maria ed autras chanzuns cun pleds dal poet da Pigniu che po festivar dumengia, ils 13 da zercladur ses 80avel.
Ils titels en l'emissiun
| TITEL | INTERPRET | CUMPONIST |
|---|---|---|
| Ei pluschigna | Chor mischedau ad hoc FCR Trun | Albert Spescha / Arnold Spescha |
| Bufatg | ensemble cantus firmus surselva | Gion Balzer Casanova / Arnold Spescha |
| ord: Las stagiuns - II. Stad | Chor da projectl kontra.cant | Flavio Bundi / Arnold Spescha |
| ord: El vast horizont - III. Neiv | incantanti - ensemble vocal | Gion Andrea Casanova / Arnold Spescha |
| La tschalerera | Chor viril Laax | Giusep Tschuor / Arnold Spescha |
| Ave Maria | Chor da concert grischun | Arnold Spescha arr: Alvin Muoth |
| Accelerando | Quartet dubel da Pigniu & H. Cathomen, clavazin | Alvin Muoth / Arnold Spescha |
| Miu aunghel | Chor d'affons Sumvitg & Flavio Bundi, clavazin | Gion Balzer Casanova / Arnold Spescha |
| ord: Las stagiuns- III. Atun | Chor da projectl kontra.cant | Flavio Bundi / Arnold Spescha |
| ord: El bratsch dils sulegl - IV. Sulegl (Ti eis ...) | Christina Daletska, sopran & L'viv Philharmonic Orch. | Victoria Poleva / Arnold Spescha |
| ord: Isopor Oss (2020) | Irina Ungureanu & Kammerphilharmonie GR | David Sonton Caflisch / Arnold Spescha |
| The Stars and Stripes forever, Marsch | Spiel Geb Inf Reg 36 | John Philip Sousa |
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.