En il center da quest artg musical stat Joseph Haydn (1732-1809), il classicher da Vienna – el sco cumponist e lura Clau Scherrer e ses Cantus Firmus Surselva cun solists e solistas ed orchester sco interpret. Nus udin duas registraziuns or da noss archiv fatgas da RTR il 2003 e 2006.
Oravant dus chors da l'oratori Die Schöpfung (Die Himmel erzählen e Von deiner Güte) cun Letizia Scherrer, Christophe Einhorn e Stefan Vock sco solists e la Filarmonica de Stat Transilvania da Cluj (Rumenia). Ina registraziun da RTR fatga ils 14 d'october 2006 a Cuira en la baselgia da s. Martin.
Sco segunda ovra interpreteschan il Cantus Firmus Surselva cun ils solists Letizia e Judit Scherrer, Christian Cantieni e Robert Koller la Nelsonmesse. L'orchester baroc Capriccio da Basilea suna. Questa registraziun ha RTR fatg ils 28 da december 2003 a Falera en la Fermata.
Redacziun: Giusep G. Decurtins