Ins dastga strusch dir - dunnas dirigentas eran fitg, fitg stgarsas qua tar nus. Oz èn ellas anc adina en la minoritad. En ina seria emprova l'Artg musical da savischinar al tema La dunna Rumantscha en la musica; la dunna sco dirigenta, interpreta/solista, sco cumponista ni poeta (furnitura da texts per cumposiziuns). La secunda part da questa seria è deditgada a la dunna dirigenta da chors e musica en la Rumantschia. Tar las musicas era ed è anc oz la quota da dirigentas pli che magra. Tar noss chors vesa quai ora meglier. L'Artg musical porta registraziuns fatgas da RTR els onns 1960 – 2020, chant e musica nua che las suandontas dunnas han dirigì: (chors) Alice Peterelli, Menga Juon-Dolf, Marcellina Casanova, Martina Moser, Rositha Casutt-Derungs, Pauline Sol, Jovita Valier, Leta Mosca-Gaudenz, Annamaria Schlosser, Gianna Vital-Janett e Flavia Walder; (musicas) Claudia Derungs, Iris Monn, Cornelia Vincenz e Marianna Sempert.
Ils titels en l'emissiun
| TITEL | INTERPRET | CUMPONIST |
|---|---|---|
| Hoppelihop, dai vinavon… | Chor d'affons Sumvitg | Eva&Kathrin Zohlmann / Anna Jemmi |
| Igl cumegn an silenzi | Rico Peterelli & Las Vouschs dalla Gelgia | Tumasch Dof / Peider Lansel-Bonifaci Plaz |
| Pertge, flouretta meia? | Las Vouschs dalla Gelgia (Männerquartett) | J. Ferd. Scarpatetti / Giatgen Uffer |
| Egl jester (Schi lunsch naven…) | Cor maschado Calandaria | Tumasch Dof / Schamun Mani |
| Gablonzer Perlen, Polka | Societad da musica Suraua | Antonin Borovicka arr: Franz Bummerl |
| Giu enten quella val | Chor mischedau Pitasch | tradiziunal arr: Tumasch Dolf |
| Röser | Cor masdà da la Val Müstair | Armon Cantieni / Gian Gianett Cloetta |
| En in vitg alpin | Chor da dunnauns e mattauns Falera | Frank Briedel / Rest Gieri Tschuor |
| Schwyzer-Soldat, marsch | Societad da musica Medel/Lucmagn | Ernst Lüthold |
| Canzung d'amour | Chor masdo Alvra | Gion Duno Simeon arr: Pauline Sol |
| Canzun da sturnidar | Quartet dubel Resuns dil Rein | Gion Giusep Derungs / Flurin Darms |
| Üna vita - Daman/Mezdi/Saira/Not | Cor masdà Sent | Oreste Zanetti / Peider Lansel |
| Lüneburger Rheinländer | Orchester Engiadina Bassa | tradiziunal |
| Mala moja | Cant-itu-Landa | tradiziunal (Korotien) arr: Arnold Kempkens |
| Da quai chi sa tratta | Rudè da chant Engiadina | tradiziunal arr: Flurin Vital |
| Jungbläser-Marsch | Societad da musica Falera | Peter Fihn |
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.