Cun numerusas cumposiziuns e sco dirigent ha Gion Giusep Derungs marcà ferm il chant da chors en ed ordaifer il Grischun. L’autra vart da sia lavur cumpositorica n’è betg uschè enconuschenta: la musica instrumentala, cammeristica, sinfonica. L’entschatta december 2020 ed il schaner, favrer e mars 2021 ha RTR registrà ni laschà registrar pliras ovras instrumentalas da Gion Giusep Derungs.
L’Artg musical porta quellas novas registraziuns ed in discurs cun l’editur da quellas partituras, Simon Camartin. Nus udin: intginas istorgias ord il ciclus IL STROLI en la versiun per clavazin solo (cumponì 2004) interpretà dal giuven pianist ucrain-svizzer Andriy Dragan ed en la versiun da chombra (Stella Ingrosso, flauta; Josias Just, clarinetta; Elisabeth Göring, fagot; Cornelia Brandis, violina e Luzius Gartmann, cello), lura ATUN per orchester d’instruments a corda (cumponì 2016) interpretà dal Chernivtsi Philharmonic Orchestra ed il TRIO per clavazin, violina e cello (2002) sunà da trais musicistAs da Lemberg/Ucraina: Mariya Tkachyk, violina; Oksana Lytvyenko, cello e Danylo Saienko, piano.
Ils titels en l'emissiun
| TITEL | INTERPRET | CUMPONIST |
|---|---|---|
| ord: Il Stroli (Klavierfassung) - Nr. 1 Salid matutin | Andriy Dragan, piano | Gion Giusep Derungs |
| ord: Il Stroli (Klavierfassung) - Nr. 6 Spuentamustgas | Andriy Dragan, piano | Gion Giusep Derungs |
| ord: Il Stroli (Klavierfassung) - Nr. 11 Historietta dalla notg | Andriy Dragan, piano | Gion Giusep Derungs |
| Atun für Streichorchester (2016) | Chernivtsi Philharmonic Orchestra, Yospy Sozansky, dir. | Gion Giusep Derungs |
| ord: Il Stroli (Kammermusik-Fassung) - Nr. 9 Snarregiar las giuvnas | St. Ingrosso, J. Just, E. Göring, C. Brandis, L. Gartmann | Gion Giusep Derungs |
| ord: Il Stroli (Kammermusik-Fassung) - Nr. 3 Secunda cattavegna | St. Ingrosso, J. Just, E. Göring, C. Brandis, L. Gartmann | Gion Giusep Derungs |
| ord: Il Stroli (Kammermusik-Fassung) - Nr. 7 Tschontschalom | St. Ingrosso, J. Just, E. Göring, C. Brandis, L. Gartmann | Gion Giusep Derungs |
| Trio für Klavier, Violine und Violoncello ( 2002) | M. Tkachyk, Violine, O. Lytvynenko, Cello, D. Saienko, piano | Gion Giusep Derungs |
| ord: Il Stroli (Klavierfassung) . Nr. 10 Ina sbuserada historia | Andriy Dragan, piano | Gion Giusep Derungs |
| Tes egls | Chor masdo Surmeir | Gion Giusep Derungs / Gian Fontana |
| ord: Suita romontscha - Nr. 2 Egn da Mon | Rätisches Streichquartett | Gion Giusep Derungs |
| ord: Suita romontscha - Nr. 1 Buna sera biala | Rätisches Streichquartett | Gion Giusep Derungs |
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.