El ha vivì ed operà per gronda part en la Bassa. E tuttina: sia patria grischuna e rumantscha ha el mai emblidà. Da quai dattan era intginas da sias cumposiziuns perditga: Pictura, Retsina 2000, Quo vadis (rumantschia)? Ed ils marschs: Mistralia, Rätikon, Sonor. Ubain sias chanzuns per chor viril ni maschadà. Giusep Sialm ha cumponì vers 100 ovras. El ha dirigì musicas da qualitad (d.a. Mustér, Cham, Birsfelden). El è stà commember da la cumissiun da musica da l'Uniun svizra da musica ed expert a festas. Tut quai sper sia occupaziun principala: magister da musica al gimnasi e manader da la scola da musica da Birsfelden. Giusep Sialm è naschì ils 7 da mars 1934 a Segnas/Mustér. El ha frequentà il gimnasi a Mustér ed il seminari da scolasts a Cuira. Lura suondan studis da magister secundar e da musica a Fribourg e studis da musica a Turitg, Vienna e Salzburg. Ils 19 da settember 1985 è Giusep Sialm mort a Therwil suenter curta e greva malsogna en la vegliadetgna da mo 51 onn.
Ils titels en l'emissiun
| TITEL | INTERPRET | CUMPONIST |
|---|---|---|
| Rätikon, marsch | Orchester instrumental grischun | Giusep Sialm |
| Nus viagein | Chor Uvriu Danis-Tavanasa | Giusep Sialm / Gion Battesta Sialm |
| Stephan Gutzwiller-Marsch | Societad da musica Mustér | Giusep Sialm |
| Flours da premaveira | Chor viril Ils emigrants | Giusep Sialm / Peder Cadotsch |
| Retsina 2000 | Orchester instrumental grischun | Giusep Sialm |
| Mistralia, marsch | Orchester instrumental grischun | Giusep Sialm |
| Quo vadis | Orchester instrumental grischun | Giusep Sialm |
| Riug matutin | Chor viril Lumbrein | Giusep Sialm / Gian Fontana |
| Sonor, marsch | Orchester instrumental grischun | Giusep Sialm |
| Spel lag alpin | Chor mischedau Danis-Tavanasa | Giusep Sialm / Gion Battesta Sialm |
| Pictura, uvertura | Orchester instrumental grischun | Giusep Sialm |