Martina Linn da la La Punt-Chamues-ch ha cumenzà cun musica populara e jodlar ed è uss da chasa en il pop, blues e folk. Cun 16 onns ha ella cumponì sias emprimas chanzuns ed accumpignà quellas cun la ghitarra. Suenter la matura va ella a Luzern a studegiar musica. Là fa ella enconuschientscha cun divers musicists e 2013 cumpara ses album da début She Is Gone. Dus auters suondan: Pocket of Feelings (2015) e Win What Yesterday Lost (2019). Ed era concerts en Svizra, Germania ed Austria. Martina Linn ha dentant mai emblidà sias ragischs engiadinaisas. Quai ha il concert dals 22 d'october 2020 a Segl en Engiadina documentà a moda surprendenta. Chanzuns popularas rumantschas e chanzuns rumantschas daventadas popularas han furmà il nuschegl dal program. Martina Linn (chant, ghitarra, clavazin e moderaziun), Selina Cuonz (arpa) e Clemens Kuratle (percussiun e clavazin) – in event en in bun spiert rumantsch registrà da RTR. L'Artg musical porta parts lunderô.
Ils titels en l'emissiun
| Titel | Interpret | Cumponist |
|---|---|---|
| Il bös-ch rumantsch (Di'm est tü amo qua?) | Martina Linn & band | Linard Bardill / Madlaina Stuppan |
| La mulinera | Martina Linn & band | Artur Caflisch |
| Ave Maria | Martina Linn & band | Martina Gemassmer / Artur Caflisch |
| Utuon | Martina Linn & band | Peider Champell / Artur Caflisch |
| November | Martina Linn & band | Martina Gemassmer / Artur Caflisch |
| Summer's End | Martina Linn & band | Martina Linn |
| Downtown train | Martina Linn & band | Tom Waits |
| Hailing Distance | Martina Linn & band | Martina Linn |
| Saira per saira | Martina Linn & band | tradiziunal |
| Il bal da scarafags | Martina Linn & band | Anny Roth-Dalbert / Artur Caflisch |
| Il cumün in silenzi | Martina Linn & band | Tumasch Dolf / Peider Lansel |
| Dorma bain | Martina Linn & band | Nuot Vonmoos / Andrea Bezzola |
| La randulina ( Sch'eu füss 'na randulina) | Martina Linn & band | tradiziunal |
| La sera sper il lag | Martina Linn & band | Gion Balzer Casanova / Flurin Camathias |