Ils 4 da schaner 2021 èsi 120 onns dapi la naschientscha da Nuot Vonmoos – il magister, chantadur, dirigent, organist e cumponist ladin. Naschì è el a Vnà (Engiadina Bassa). Mort è el ils 16 da schaner 1973 a Puntraschigna. 1920 fa Nuot Vonmoos la patenta da magister a Cuira. Suenter in curt temp a Flem sa chasa el definitivamain a Puntraschigna. 45 onns suna el là l'orgla da baselgia, dirigia divers chors da cumün e da la regiun. Nuot Vonmoos è era stà conredactur da la Guardia Grischuna, da la Laudinella e da cudeschs da chant per la scola. Ed el è stà l'emprim Rumantsch en la Cumissiun da chant federala (1955-1973).
Oz è Nuot Vonmoos surtut enconuschent sco cumponist da chanzuns per uffants, per chor maschadà e viril. Sias cumposiziuns mussan ch'el n'ha mai snegà sias profundas ragischs ladinas. L'ésprit da sia musica è – sper ina lingia melodica filigrana ed armonias cleras – surtut il cantabile. A mia Rezia, Mia marusa, T'algordast, Meis cumünet, Increschentüm – tut chanzuns che vegnan anc oz chantadas cun anim e gust. Ses dus vers hits èn «Cur chi vain la not» e «Buna not, dorma bain». L'Artg musical porta in'emissiun ord noss archiv – fatga da Men Steiner l'onn 2001 per il 100avel da Nuot Vonmoos.
Ils titels en l'emissiun
TITEL | INTERPRET | CUMPONIST |
---|---|---|
Dorma bain | BB Berner Oberland & ensemble deCanto | Nuot Vonmoos arr: Corsin Tuor |
Meis cumünet | Chor mischedau Rezia Cuera | Nuot Vonmoos / Gudench Barblan |
A mia Rezia | Cor viril Engiadina | Nuot Vonmoos / Gudench Barblan |
T'algordast? | Cor baselgia Müstair | Nuot Vonmoos / Gudench Barblan |
Increschantüm | Chors virils grischuns reuni en la Bassa | Nuot Vonmoos / Christoffel Bardol |
L'ura dal paus | Nuot Vonmoos, chant da solo | tradiziunal |
Lingua materna (Chara lingua da la mamma) | Cor viril Frohsinn St. Moritz | Robert Cantieni / Andrea Bezzola |
Cur chi vain la not | Chor mischedau Laax | Nuot Vonmoos / Jon Guidon |
Ma marusa | Cor masdo Puntraschigna | Nuot Vonmoos / Gudench Barblan |
Stailina | Cor da scolars Zuoz | Nuot Vonmoos / Selin Chönz |
Il tschincher | Cor da scolars Zuoz | Nuot Vonmoos / Men Rauch |
Dorma bain | Cor mixt Samedan | Nuot Vonmoos / Andrea Bezzola |
Dorma bain | Vico Torriani e seis cumpagns Engiadinais | Nuot Vonmoos / Andrea Bezzola |
Dorma bain | Bündner Blasorchester | Nuot Vonmoos arr: Rolf Egger |
Cur chi vain la not | BBO & cantus firmus surselva-incantanti | Nuot Vonmoos arr: Corsin Tuor |
Dorma bain | Peder Rizzi | Nuot Vonmoos arr: Peder Rizzi |
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.