Siglir tar il cuntegn

Header

audio
Ils semperverds da Bob Dylan
Or da Semperverds dals 25.05.2021.
laschar ir. Durada: 56:02 minutas.
cuntegn

Bob Dylan ha 80 In fenomen e misteri che ha laschà ses fastizs, er en Rumantschia

Il pli grond musicist da tut ils temps, ha influenzà fermamain musica, cultura e societad.

Bob Dylan, l'artist e profet misterius e singular, ha 80. Per ses anniversari datti puspè bleras emprovas da declerar e scuvrir si'ovra e sia impurtanza. Ch'el ha influenzà ina generaziun entira è evident, e quai è er capità tar nus.

El ha exprimi enorm ferm las robas da quels onns 60 e 70, senza sa laschar metter sco manader dad ina direcziun.
Autur: Paulin Nuotclà

Paulin Nuotclà e l'influenza da Dylan

Il chantautur engiadinais è sta fermamain impressiunà dal musicist e poet Bob Dylan. Sia moda da s'exprimer, da sunar, sia poesia:

Er la generaziun pli giuvna ha scuvert il musicist e poet. La fascinaziun resta fin ozendi, er tar Pascal Gamboni.

La via da Bob Dylan

Robert Allen Zimmerman è naschì ils 24 da matg 1941 a Duluth, Minnesota, ina citad pauc interessanta - e nagin avess spetgà ch’el daventess in dals musicists e poets ils pli impurtants dals ultims 60 onns, purtader dal premi Nobel ed icona per ina generaziun entira, er per Robert Grossmann, musicist e cumponist american che viva dapi blers onns en il Grischun:

«Blowin‘ In The Wind» e «Like A Rolling Stone»

Cun quests tocs e blers auters ha el influenzà ina generaziun entira ed er la musica dal 20avel tschientaner, ha vendì sur 100 milliuns portatuns – ed il 2016 ha el survegnì il premi Nobel da litteratura.

Ina vita plain auts e bass

En sia carriera hai però da blers temps da success e da crisa. Cur ch’el metta da la vart la ghitarra accustica e cumenza a far dapli musica da rock reageschan ils fans cun indignaziun. Il 1966 ha el in grev accident da moto e tut il travasch pervi dal success al strapatschà talmain ch’el sa retira per in pèr onns.

Dapertut è el dachasa

Dylan ha fatg adina puspè excursiuns musicalas. Dal folk al rock, da la musica cristiana al country e dal gospel al jazz. Dad el datti sur 500 chanzuns e quellas vegnan er interpretadas d’artistas e bands da tut il mund. Remartgabel è er ses timing:

La poesia da Bob Dylan

Ils texts da sias chanzuns pon esser simpels ed er cumplitgads, poetics e forsa er senza grond senn. Perquai datti millis da Dylanologs ed anc dapli provas da scuvrir ed analisar il cuntegn. Ad el po quai esser tuttina:

«Mias chanzuns èn mia musica persunala – e betg occurrenzas cuminaivlas»
Autur: Bob Dylanchantautur

Ils ultims onns ha el registrà divers discs cun chanzuns classicas dal «Great American Songboook» - e l’onn passà ha el a la fin puspè preschentà in disc cun atgnas chanzuns: «Rough And Rowdy Ways» cun tuns da jazz, swing, country e blues. In album che ha consolà ils fans da Dylan.

Da Bob Dylan datti 39 albums da studio, numerusas cumpliaziuns, albums best of e surtut er las «Bootleg Series» cun plunas material da studio e chanzuns inedidas.

In pèr dals 39 discs da Bob Dylan:

Avrir la boxSerrar la box
In pèr dals 39 discs da Bob Dylan:

1962 Bob Dylan

1963 The Freewheelin’ Bob Dylan

1964 The Times They Are a-Changin’

1965 Highway 61 Revisited

1966 Blonde on Blonde

1967 John Wesley Harding

1976 Desire

1979 Slow Train Coming

1989 Oh Mercy

1997 Time Out of Mind

2012 Tempest

RTR musica

Artitgels legids il pli savens

Scrollar a sanestra Scrollar a dretga